29 مامىر، 2019

«بەرەكەلى رامازان» اتتى قايىرىمدىلىق كونتسەرت ءوتتى

713 رەت كورسەتىلدى

اتالعان ءىس-شارا تۇرمىسى تومەن اۋرۋ بالالاردى قولداۋعا ارنالدى.


قاسيەتتى رامازان ايىندا شىعىس قازاقستان وبلىستىق حاليفا التاي مەشىتى جانە «زەكەت» قورى وسكەمەن قالاسىنداعى «ەرتىس كونتسەرت» سارايىندا «بەرەكەلى رامازان» اتتى قايىرىمدىلىق كونتسەرتىن وتكىزدى. اتالعان ءىس-شارا تۇرمىسى تومەن اۋرۋ بالالاردى قولداۋعا ارنالدى. كونتسەرتكە شىعىسقازاقستاندىق ونەر جۇلدىزدارى قاتىستى. شارانى ۇيىمداستىرۋعا مەشىت قىزمەتكەرلەرى دە ءوز ۇلەستەرىن قوستى. «ساحناعا شىعىپ ءسوز سويلەگەن شىعىس قازاقستان وبلىستىق حاليفا التاي مەشىتىنىڭ ءبىرىنشى نايب يمامى داۋلەت قابيدولدين: «قاسيەتتى رامازان ايىندا قايىرىمدىلىق شاراسىن وتكىزىپ وتىرمىز. بۇل ىسكە تامشىداي بولسا دا قوسقان ۇلەستەرىڭىزگە اللا ساۋاپتان جازسىن» دەي كەلە، كونتسەرتتەن تۇسكەن قارجىنى اۋرۋ بالالارعا تابىس ەتتى. سونىمەن قاتار ول كورەرمەندەرگە جانە ءوز ونەرلەرىمەن ساۋاپتى ءىس جاساعان ونەرپازدارعا العىسىن ءبىلدىردى. كومەككە يە بولعان بالالاردىڭ اتا-اناسى وسىنداي يگى شارا ۇيىمداستىرىپ، بالاسىنىڭ سىرقاتىنا از بولسا دا كومەك جاساعان حاليفا التاي مەشىتىنە جانە «زەكەت» قورىنا العىستارىن ءبىلدىردى» دەلىنگەن شىعىس قازاقستان وبلىستىق حاليفا التاي مەشىتىنىڭ ءباسپاسوز قىزمەتى تاراتقان ءباسپاسوز مالىمەتىندە.


وسكەمەن

سوڭعى جاڭالىقتار

ۇقساس جاڭالىقتار