قاسىم-جومارت توقاەۆ بۇل ءسامميتتىڭ ەلباسى ن.نازارباەۆتىڭ ەۋرازيالىق ينتەگراتسيا تۋرالى يدەياسىنىڭ 25 جىلدىعى مەن ەۋرازيالىق ەكونوميكالىق وداقتى قۇرۋ تۋرالى كەلىسىمنىڭ 5 جىلدىق مەرەيتويلارىنا وراي وتكىزىلىپ وتىرعانىن اتاپ ءوتتى.
– قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ساياسي جانە ستراتەگيالىق كورەگەندىگىنىڭ ارقاسىندا ەۋرازيالىق ينتەگراتسيا يدەياسى ىسكە استى, – دەدى قازاقستان پرەزيدەنتى.
قاسىم-جومارت توقاەۆ قازاقستان رەسپۋبليكاسىنىڭ اتىنان رەسەي فەدەراتسياسىنىڭ پرەزيدەنتى ۆ.پۋتينگە ەلباسى ن.نازارباەۆقا «جوعارى ەۋرازيالىق ەكونوميكالىق كەڭەسىنىڭ قۇرمەتتى توراعاسى» اتاعىن بەرۋ تۋرالى ۇسىنىسى ءۇشىن جانە وسى باستاماعا قولداۋ بىلدىرگەن كەڭەسكە مۇشە-مەملەكەت باسشىلارىنا العىسىن ءبىلدىردى.
قازاقستان پرەزيدەنتى رەسەي فەدەراتسياسىنىڭ 2018 جىلعى ەۋرازيالىق ەكونوميكالىق وداققا جاساعان توراعالىعىنا جوعارى باعا بەرىپ, ارمەنيا رەسپۋبليكاسىنىڭ توراعالىعى دا حالىقارالىق ۇيىمنىڭ نىعايا تۇسۋىنە ىقپال ەتەتىنىنە سەنىم ءبىلدىردى.
سونىمەن قاتار, مەملەكەت باسشىلارى ەۋرازيالىق ەكونوميكالىق وداقتىڭ وزەكتى ماسەلەلەرى مەن الداعى دامۋ پەرسپەكتيۆالارىنا قاتىستى جانە 2019-2020 جىلدارعا ارنالعان نەگىزگى ماكروەكونوميكالىق ساياساتى تۋرالى پىكىر الماستى.
