«وسىدان تۋرا بەس جىل بۇرىن, 2014 جىلدىڭ 5 مامىرىندا وسى قالادا ەۋرازيالىق ەكونوميكالىق وداق تۋرالى شارتقا قول قويىلدى. وسىلايشا, تۇڭعىش پرەزيدەنت-ەلباسى نۇرسۇلتان ءابىش ۇلى نازارباەۆتىڭ وڭىرلىك ينتەگراتسيالىق بىرلەستىكتى قۇرۋ جونىندەگى يدەياسى ءوزىنىڭ وزەكتىلىگىن, قاجەتتىلىگىن, اۋقاتتىلىعىن دالەلدەدى جانە شىندىقتىڭ ءبىر بولىگىنە اينالدى» دەدى قاسىم-جومارت توقاەۆ.
سونىمەن قاتار ەل پرەزيدەنتى ەاەو اياسىندا سەرىكتەس ەلدەر از ۋاقىت ىشىندە ءبىزدىڭ ىنتىماقتاستىعىمىزدىڭ بارلىق باعىتتارى بويىنشا اسەرلى ناتيجەلەرگە قول جەتكىزگەنىن ايتىپ ءوتتى.
«ۇيىمدا بەرىك ينستيتۋتسيونالدىق رەفورما جاسالىپ, ءوزارا ءىس-قيمىلدىڭ ءتيىمدى فورماتتارى ازىرلەندى. قازاقستان ەۋرازياداعى ەكونوميكالىق ينتەگراتسيانى تەڭ قۇقىلىق, ارىپتەستىك, ءوزارا تيىمدىلىك قاعيداتتارى نەگىزىندە ودان ءارى جالعاستىرۋدى جاقتايدى. بۇگىنگى وتىرىس ەاەو-عا جاڭا سەرپىن بەرەتىنىنە سەنىمدىمىن. بيىلعى جىل ارمەنيانىڭ توراعالىق ەتۋىمەن وتەدى. ارىپتەستەرىمىزگە تابىستى توراعالىق تىلەيمىن» دەدى مەملەكەت باسشىسى.
ايتا كەتەيىك, بۇگىن نۇر-سۇلتان قالاسىندا قازاقستان پرەزيدەنتى قاسىم-جومارت توقاەۆتىڭ توراعالىعىمەن نۇرسۇلتان نازارباەۆتىڭ ەۋرازيالىق ينتەگراتسيا جونىندەگى يدەياسىنىڭ 25 جىلدىعىنا جəنە ەۋرازيالىق ەكونوميكالىق وداق جونىندەگى كەلىسىمگە قول قويىلۋىنىڭ 5 جىلدىعىنا وراي جوعارى ەۋرازيالىق ەكونوميكالىق كەڭەستىڭ كەزەكتى وتىرىسى ءوتىپ جاتىر.
