«قازاقستان تۇڭعىش پرەزيدەنتى-ەلباسى نۇرسۇلتان ءابىش ۇلى نازارباەۆتىڭ ساياسي كورەگەندىگىنىڭ, ستراتەگيالىق كوزقاراسىنىڭ ارقاسىندا ەۋرازيالىق ينتەگراتسيا يدەياسى ءارى قاراي قۇرلىقتىڭ ەكونوميكالىق جانە گەوساياسي لاندشافتىن قايتا قالىپتاستىرعان شىندىققا اينالدى. سوندىقتان ن.نازارباەۆتىڭ ەۋرازيالىق ەكونوميكالىق وداقتىڭ قالىپتاسۋىنا تاريحي ۇلەسىن ەسكەرە وتىرىپ, رەسەي فەدەراتسياسىنىڭ پرەزيدەنتى ۆلاديمير ۆلاديميروۆيچ پۋتين نۇرسۇلتان ءابىش ۇلىنا جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى اتاعىن بەرۋدى ۇسىندى» دەدى قاسىم-جومارت توقاەۆ.
بۇدان سوڭ, قازاقستان پرەزيدەنتى ۆلاديمير پۋتينگە جانە بارلىق سەرىكتەستەرگە ريزاشىلىعىن ءبىلدىردى.
«قازاقستان رەسپۋبليكاسىنىڭ اتىنان رەسەي فەدەراتسياسىنىڭ پرەزيدەنتىنە جانە بارلىق سەرىكتەستەرىمىزگە ءبىراۋىزدان قولداۋ كورسەتكەنى ءۇشىن شىنايى ريزاشىلىعىمدى بىلدىرگىم كەلەدى» دەدى ق.توقاەۆ.
ايتا كەتەيىك, بۇگىن نۇر-سۇلتان قالاسىندا قازاقستان پرەزيدەنتى قاسىم-جومارت توقاەۆتىڭ توراعالىعىمەن نۇرسۇلتان نازارباەۆتىڭ ەۋرازيالىق ينتەگراتسيا جونىندەگى يدەياسىنىڭ 25 جىلدىعىنا جəنە ەۋرازيالىق ەكونوميكالىق وداق جونىندەگى كەلىسىمگە قول قويىلۋىنىڭ 5 جىلدىعىنا وراي جوعارى ەۋرازيالىق ەكونوميكالىق كەڭەستىڭ كەزەكتى وتىرىسى ءوتىپ جاتىر.
