كەزدەسۋ بارىسىندا ەكىجاقتى ەكونوميكالىق سەرىكتەستىكتى تەرەڭدەتۋ ماسەلەلەرى تالقىلاندى.
– ءبىزدىڭ ەلدەرىمىزدە ورتاق دۇنيەلەر كوپ. قازاق-ارميان كومپانيالارى ءارتۇرلى سالالاردا تىعىز ىنتىماقتاستىق ورناتقان. ەكى ەلدىڭ ساۋدا-ەكونوميكالىق قاتىناستارىن نىعايتا تۇسەتىن وسى بايلانىستارعا تىڭ سەرپىن بەرۋىمىز كەرەك, – دەدى قاسىم-جومارت توقاەۆ.
نيكول پاشينيان ءتۇرلى سالاداعى قازاقستان مەن ارمەنيانىڭ ءوزارا ىقپالداستىعى ودان ءارى كەڭەيە بەرەتىنىنە سەنىم ءبىلدىردى.
– ەلدەرىمىز اراسىنداعى ەكونوميكالىق بايلانىستار نىعايۋدا, تاۋار اينالىمى ارتىپ كەلەدى. بىراق بۇل باعىتتى دامىتۋ ءۇشىن ءالى دە ءوز دەڭگەيىندە پايدالانىلماي جاتقان زور الەۋەتىمىز بار. ءبىزدىڭ قۇرىلىمدارعا, سونىڭ ىشىندە ەۋرازيالىق ەكونوميكالىق وداق اياسىندا تىعىز ءىس-قيمىلدار جاساۋ قاجەت, – دەدى ارمەنيا پرەمەر-ءمينيسترى.
