شەتەلدىك ينۆەستورلار كەڭەسىنىڭ وتىرىسىندا مەملەكەت باسشىسى ينۆەستيتسيالاردى تارتۋ بويىنشا بىرقاتار ماسەلەلەردى انىقتاپ, ولاردى شەشۋ جولدارىن كورسەتتى.
باقىت سۇلتانوۆ قولايلى بيزنەس-ورتانى قامتاماسىز ەتۋ جانە سالىقتىق جانە كەدەندىك سالادا داۋلاردى سوتقا دەيىنگى رەتتەۋ مەحانيزمىن قولدانۋ قاجەتتىلىگىن اتاپ ءوتتى. ول سوت پراكتيكاسىنا قوعامدىق مونيتورينگ جۇرگىزۋ مەحانيزمىن ازىرلەۋدى جانە مونيتورينگ توبىن قۇرۋدى تاپسىردى.
بۇدان باسقا, وتاندىق ينۆەستورلار حالىقارالىق قارجى ورتالىعى يۋريسديكتسياسىندا داۋلاردى شەشۋ قۇقىعىنا يە بولدى, وسىعان بايلانىستى احقو-مەن ىنتىماقتاستىقتى جانداندىرۋ قاجەتتىگى ايتىلدى.
قالا اكىمى باقىت سۇلتانوۆ مەملەكەت باسشىسىنىڭ تاپسىرمالارىن ورىنداۋ ءۇشىن قالالىق باسقارمالارعا كەلەسى باسىم باعىتتار مەن مىندەتتەر قويدى:
- كاسىپكەرلەردىڭ بيزنەستى جۇرگىزۋدى رەتتەيتىن جاڭا نورمالارمەن كەڭىنەن تانىسۋلارىن قامتاماسىز ەتۋ;
- باقىلاۋ جانە قاداعالاۋ ورگاندارىنىڭ ەسەپ بەرۋ كۇنىن ىسكەرلىك قوعامداستىققا بىرىڭعاي كۇن وتكىزۋ تاجىريبەسىن ەنگىزۋ قاجەت.
وسى نورمانى i-Qala اشىق ديالوگ الاڭى رەتىندە قۇرىپ, زاڭناماداعى جاڭالىقتاردى, مەملەكەتتىك ورگانداردىڭ باقىلاۋ جانە قاداعالاۋ جۇمىستارىنىڭ مەملەكەتتىك باسىمدىقتارىن ءتۇسىندىرىپ, كەرى بايلانىس قالىپتاستىرۋعا بولادى;
- قوعامدىق باستامادا نۇر-سۇلتان قالاسىنداعى كاسىپكەرلەر قۇقىعىن قورعاۋ جونىندەگى ۋاكىل ينستيتۋتىن قۇرۋ. بۇل ينستيتۋت i-Qala-دا (متو) ورنالاسادى;
- ەلوردادا بيزنەس جۇرگىزۋدىڭ ۇلتتىق كورسەتكىشتىڭ تومەندەۋىنە جول بەرمەۋ;
اكىم سونداي-اق قالالىق ەكونوميكاداعى شوب (شاعىن ورتا بيزنەس) ۇلەسىن ودان ءارى ۇلعايتۋ جونىندە شارالار قابىلداۋدى تاپسىردى;
- مەملەكەتتىك ساتىپ الۋ جانە مەملەكەتتىك ۇيىمدارعا قاراستى سەكتوردىڭ ساتىپ الۋلارىندا جەرگىلىكتى قامتۋدىڭ ۇلەسىن ۇلعايتۋ بويىنشا جول كارتاسىن ازىرلەۋ;
- وتاندىق بيزنەستىڭ رەتتەلەتىن ساتىپ الۋلارعا قاتىسۋىن ۇلعايتۋ بويىنشا KPI كورسەتكىشتەرىن ەنگىزۋ. بۇل اۋدان اكىمدەرىنىڭ, مەملەكەتتىك ورگان جانە باعىنىستى ۇيىم باسشىلارىنىڭ جۇمىسىنىڭ رەيتينگىلەۋدە باستى كريتەري بولادى;
- وتاندىق كاسىپكەرلەردىڭ ساۋدا جەلىلەرىنە قولجەتىمدىلىگىن قامتاماسىز ەتۋدە «اتامەكەن» ۇكپ جانە سالالىق قاۋىمداستىقتارمەن بىرلەسە وتىرىپ, تاۋار وندىرۋشىلەرمەن ولاردىڭ ونىمدەرىن تاراتۋ جەلىلەرىنىڭ تالاپتارىنا سايكەستىگى بويىنشا جۇمىستاردى پىسىقتاۋ;
- ينفراقۇرىلىم, ەنەرگەتيكا, ونەركəسىپ جəنە اگروونەركəسىپتىك كەشەن سەكىلدى مەملەكەتتىك-جەكە مەنشىك سەرىكتەستىكتى دامىتۋ بويىنشا جۇمىستى جانداندىرۋ;
اكىمنىڭ ايتۋىنشا, ەلوردادا 2025 جىلعا دەيىن جۇمىس ورىندارىن قۇرۋ ءۇشىن كارتا جاسالادى.
2019 جىلدىڭ باسىنان باستاپ, جۇمىس ىزدەسۋ ماسەلەسىمەن ەلوردانىڭ جۇمىسپەن قامتۋ ورتالىعىنا 7 371 ازامات جۇگىندى. 2 769 ادام الەۋمەتتىك قورعاۋ شارالارىمەن قامتىلدى, ونىڭ ىشىندە 2 628 ادام جۇمىسقا ورنالاستى. 694 ادام تولىق ۋاقىتتى جۇمىسقا, 390 جاس استانالىق جاستار تاجىريبەسىنە, 85 تۇرعىن الەۋمەتتىك جۇمىسقا, 1 459 ادام قوعامدىق جۇمىستا جۇمىس ىستەيدى.
141 ادام ەلەكترومونتاجداۋشى, تىگىنشى, اسپاز, كونديتەر, باعالاۋشى-ساراپشى سياقتى قىسقا مەرزىمدى كاسىپتىك وقۋدى باستادى. بۇل ءۇشىن 913 ادامدى قامتۋ ماقساتىندا 110,4 ملن. تەڭگە ءبولىندى.
استاناداعى جۇمىسسىزدىق دەڭگەيى 2019 جىلدىڭ ءبىرىنشى توقسانىندا 4,5% قۇرادى.
