كەزدەسۋ بارىسىندا تاراپتار ەۋرازيالىق ەكونوميكالىق وداقتىڭ قازىرگى جاعدايى مەن دامۋ پەرسپەكتيۆالارىن تالقىلادى.
نۇرسۇلتان نازارباەۆ كوپتەگەن مەملەكەت پەن ۇيىمنىڭ ەۋرازيالىق ەكونوميكالىق وداقپەن قارىم-قاتىناس ورناتۋعا نيەتتى ەكەنىن جانە وداقتىڭ ەكونوميكالىق سەرىكتەستەرىنىڭ اياسىن كەڭەيتۋ قاجەتتىگىن اتاپ ءوتتى.
– ەرتەڭ وسى جەردە جوعارى ەۋرازيالىق ەكونوميكالىق كەڭەستىڭ مەرەيتويلىق وتىرىسى وتەدى. ءسىز وداقتىڭ اتقارۋشى ورگانىنا توراعالىق ەتىپ, جۇكتەلگەن مىندەتتەردى تابىستى اتقارىپ كەلەسىز. العا جىلجي بەرۋىمىز كەرەك, – دەدى قازاقستاننىڭ تۇڭعىش پرەزيدەنتى.
تيگران ساركيسيان ەكونوميكالىق وداقتى دامىتۋ ىسىندەگى جەتىستىكتەرگە توقتالدى.
– ينتەگراتسيانى جانە ءوزىڭىز 25 جىل بۇرىن ۇسىنعان يدەيانى تاجىريبە جۇزىندە جۇزەگە اسىرۋ ماسەلەلەرىن تالقىلاۋعا مۇمكىندىك بەرگەنىڭىز ءۇشىن ريزاشىلىعىمدى بىلدىرەمىن. مىنە, 5 جىل بويى وسى جوبانى ىسكە اسىرىپ كەلەمىز. ءوزىڭىز شيرەك عاسىر بۇرىن كورەگەندىك تانىتقان بۇل باستاما ەلدەرىمىز ءۇشىن اسا قاجەت بولدى, – دەدى ەۋرازيالىق ەكونوميكالىق كوميسسيا القاسىنىڭ توراعاسى.
