كەزدەسۋدە ەكى ەل اراسىنداعى ىنتىماقتاستىق پەن حالىقارالىق ۇيىمدار اياسىنداعى بىرلەسكەن ءىس-قيمىل ماسەلەلەرى تالقىلاندى.
– ءبىزدىڭ ەلدەرىمىزدىڭ ىنتىماقتاستىعى ارتىپ كەلەدى. ۇكىمەتارالىق, پارلامەنتارالىق دەڭگەيدە جۇمىس ىستەپ كەلەمىز. الەمدىك جانە ايماقتىق ۇيىمداردا دا بىرگەمىز. تاۋەلسىزدىك جىلدارىندا قالىپتاسقان تىعىز قارىم-قاتىناستى مەن ودان ءارى دامىتۋعا بار كۇش جىگەرىمدى سالامىن, – دەدى قازاقستان پرەزيدەنتى.
قىرعىز رەسپۋبليكاسىنىڭ پرەزيدەنتى جىلى كەزدەسۋگە ريزاشىلىعىن ءبىلدىرىپ, مەملەكەتارالىق بايلانىستاردىڭ دوستىق سيپاتىن اتاپ ءوتتى.
– الىستاعى اعايىننان جاقىنداعى كورشىنى ارتىق كورەتىن ءبىز قازاقستانمەن اراداعى ىنتىماقتاستى ودان ءارى دامىتۋعا مۇددەلىمىز. بۇگىندە ۇكىمەتارالىق جول كارتاسى بويىنشا جۇمىستار اتقارىلۋدا. ءوزىڭىزدى قىرعىز رەسپۋبليكاسىنا ساپارمەن كەلۋگە شاقىرامىز, – دەدى سوورونباي جەەنبەكوۆ.
