حالىقارالىق بالالاردى قورعاۋ كۇنى قارساڭىندا قر ءبىلىم جانە عىلىم مينيسترلىگى اعىمداعى جىلعى 15 مامىر مەن 15 ماۋسىم ارالىعىندا جالپى رەسپۋبليكالىق "نۇرلى بولاشاق" اكتسياسىن جاريالادى. رەسپۋبليكادا 1 ماۋسىم - حالىقارالىق بالالاردى قورعاۋ كۇنىنە ارنالعان 600-دەن استام ءىس-شارا ۇيىمداستىرىلىپ, ونىڭ ىشىندە 154 قايىرىمدىلىق شاراسى وتكىزىلەدى. ءىس-شارالارمەن 2 ميليوننان استام بالا قامتىلادى دەپ جوسپارلانۋدا. بالالاردىڭ جازعى دەمالىسىن جانە جۇمىسپەن قامتىلۋىن ۇيىمداستىرۋ جونىندەگى ۆەدومستۆوارالىق ارەكەت ەتۋ ماسەلەسىن ۇيلەستىرۋ ءۇشىن پرەمەر-ءمينيستردىڭ وكىمى جۇزەگە اسىرىلادى. رەسپۋبليكانىڭ مەكتەپ جانىنداعى, شاتىرلى, قالا سىرتىنداعى لاگەرلەردە 2,1 ملن بالا, ال 730 مىڭنان استامى اتا-انالارىمەن دەمالادى. جازاتايىم وقيعالاردىڭ الدىن الۋ جانە بالالاردىڭ قاۋىپسىزدىگىن قامتاماسىز ەتۋ ماقساتىندا 2017-2019 جىلدارعا ارنالعان بالالاردى جۇزۋگە ۇيرەتۋدى ۇيىمداستىرۋ جونىندەگى ءىس-شارالار مەن 2019-2021 جىلدارعا ارنالعان بالالارعا قاتىستى زورلىق-زومبىلىقتى جانە قاتىگەزدىكتى الدىن الۋ بويىنشا ۆەدومستۆوارالىق بىرلەسكەن ءىس-قيمىل جوسپارى ىسكە اسىرىلۋدا.
فوتو: azh.kz
