فورۋمدا ءسوز العان وبلىس اكىمى قىرىمبەك كوشەرباەۆ رەسپۋبليكادا كاسىپكەر ايەلدەردىڭ ۇلەسى ەلۋ پايىزعا جەتكەندىگىن ايتتى.
– بۇعان, ارينە, مەملەكەتتىڭ كاسىپكەرلىكتى دامىتۋداعى جان-جاقتى قولداۋلارى, ياعني مەملەكەتتىك, ۇكىمەتتىك جانە وڭىرلىك باعدارلامالاردىڭ, سونداي-اق قارجى ينستيتۋتتارى مەن «دامۋ» قورىنىڭ ءتۇرلى باعدارلامالارى ءوز سەپتىگىن تيگىزۋدە. ونىڭ ىشىندە, 5 ملرد تەڭگە مەملەكەتتىك باعدارلامالار اياسىندا قارجىلاي ەمەس قولداۋعا, قايتارىمسىز گرانتتار بەرۋگە جانە شاعىن نەسيەلەرمەن قامتاماسىز ەتۋگە باعىتتالۋدا. ايتا كەتۋ قاجەت, ءبىز جىل باسىنان بەرى «ەڭبەك» مەملەكەتتىك باعدارلاماسىنىڭ قاراجاتىن كۇتپەي-اق, «قىزىلوردا» وڭىرلىك ينۆەستيتسيالىق ورتالىعى ارقىلى ميكروكرەديتتەر بەرۋ ءۇشىن وبلىستىق بيۋدجەتتەن 500 ملن تەڭگە بولدىك. قازىردىڭ وزىندە ورتالىقپەن جالپى قۇنى 522 ملن تەڭگەنى قۇرايتىن 106 جوبا قارجىلاندىرۋ ءۇشىن ماقۇلداندى. ونىڭ ىشىندە, ايەلدەردىڭ ۇلەسىنە جالپى قۇنى 112 ملن تەڭگەنى قۇرايتىن 26 جوبا تيەسىلى, - دەدى ايماق باسشىسى.
وبلىس اكىمى بيىلعى جىلى اۋىل جاستارى مەن كوپ بالالى انالاردىڭ بيزنەس-جوبالارىنا باسىمدىق بەرىلگەنىن اتاپ ءوتتى.
«جوبالاردى قارجىلاندىرۋ بويىنشا قولداۋ عانا ەمەس, اكىمشىلىك كەدەرگىلەردى ازايتۋ بويىنشا جۇمىستار دا جالعاسۋدا. ناتيجەسىندە كاسىپكەرلىكتە جۇمىسپەن قامتىلعانداردىڭ ۇلەسى 22-دەن 26%-كە دەيىن ارتتى. ال شاعىن جانە ورتا بيزنەس سالاسىندا 93 مىڭنان استام وبلىس تۇرعىنى جۇمىس ىستەيدى», – دەدى ول.
فورۋم بارىسىندا ىسكەر ايەلدەر ءوز بيزنەسىندەگى تابىسقا جەتۋ جولدارىمەن ءبولىستى. كاسىپكەر بولۋ وڭاي ەمەس. ول نارىقتىڭ ەلگە كەرەكتى تۇستارىن تاپ باسۋمەن قاتار العان باعىتىنان اينىمايتىن تاباندىلىقتى قاجەت ەتەدى. جيىندا ىسكەر ايەلدەر تاراپىنان ايتىلعان ۇسىنىس-پىكىرلەر تىڭدالدى. وزاتتار ماراپاتتالدى.
قىزىلوردا وبلىسى
