ءىس-شارانىڭ مينيسترلىك سەگمەنتى شەڭبەرىندە قازاقستان دەلەگاتسيا باسشىسى ەلدىك مالىمدەمەسى بارىسىندا قازاقستاننىڭ ۇلتتىق, وڭىرلىك جانە جاھاندىق دەڭگەيلەردە ورنىقتى دامۋ ماقساتتارىن جۇزەگە اسىرۋداعى ىلگەرىلەۋى تۋرالى حابارلادى. اتاپ ايتقاندا, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ ۇسىنعان باستامالاردى جۇزەگە اسىرۋ ارقاسىندا ادامداردىڭ مۇمكىندىكتەرىن كەڭەيتۋ جانە الەۋمەتتىك ادىلەتتىلىكتى قامتاماسىز ەتۋ سالاسىنداعى بىرەگەي ناتيجەلەر اتاپ ءوتىلدى. سونىمەن قاتار, م.تىلەۋبەردى اۋديتورياعا ترانزيتتىك-كولىك الەۋەتىن دامىتۋ سالاسىنداعى, سونىڭ ىشىندە «نۇرلى جول» ينفراقۇرىلىمدىق دامۋ باعدارلاماسى مەن «ءبىر بەلدەۋ, ءبىر جول» قىتاي باستاماسىنىڭ ءتۇيىسۋ كونتەكستىندە ەلدىڭ جەتىستىكتەرى تۋرالى اقپارات بەردى. وڭىرلىك كونتەكستە «استانا» حالىقارالىق قارجى ورتالىعى, جاسىل تەحنولوگيالار مەن ينۆەستيتسيالىق جوبالار حالىقارالىق ورتالىعى, مەملەكەتتىك قىزمەتتىڭ وڭىرلىك حابىنىڭ, ورتالىق ازيا ەكونوميكالارىنا ارنالعان بۇۇ ارنايى باعدارلاماسىنىڭ (سپەكا) قىزمەتى جانە الماتى قالاسىندا ورنىقتى دامۋ ماقساتتارى بويىنشا بۇۇ وڭىرارالىق ورتالىعىن قۇرۋ جونىندەگى باستاما باياندالدى.
ءىس-شارا شەڭبەرىندە تايلاندتاعى قازاقستاننىڭ ەلشىلىگى قىتاي حالىق رەسپۋبليكاسىنىڭ تۇراقتى وكىلدىگى جانە ازتمەاك حاتشىلىعىمەن بىرلەسىپ ء"بىر بەلدەۋ, ءبىر جول" باستاماسى مەن تۇراقتى دامۋ سالاسىنداعى بۇۇ-نىڭ 2030 جىلعا دەيىنگى كەزەڭگە ارنالعان كۇن ءتارتىبىنىڭ ءوزارا بايلانىسىنا ارنالعان سايد يۆەنت ۇيىمداستىردى. پانەلدىك پىكىرالماسۋ بارىسىندا ەلشى راۋشان ەسبۋلاتوۆا ينفراقۇرىلىمدىق بايلانىستاردى دامىتۋدىڭ قازاقستاندىق تاجىريبەسىمەن ءبولىسىپ, ۇلى جىبەك جولىن جاڭعىرتۋ يدەياسىن جۇزەگە اسىرۋداعى قازاقستاننىڭ ءرولىن اتاپ ءوتتى.
سەسسيا اياسىندا م.تىلەۋبەردىنىڭ بۇۇ باس حاتشىسىنىڭ ورىنباسارى-ازتمەاك اتقارۋشى حاتشىسى ا.اليسدجابانا جانە قحر سىرتقى ىستەر ءمينيسترىنىڭ كومەكشىسى ج.تسۋنمەن ەكىجاقتى كەزدەسۋلەرى ءوتتى.
