ودان كەيىنگى ورىندى Google برەندى يەلەندى – 167 ميلليارد دوللار. 125,3 ميللياردقا باعالانعان Microsoft ۇشتىكتى قورىتىندىلاپ تۇرcا, TOP-10-نىڭ سوڭىنا McDonalds ورنالاستى. العاشقى 5 ورىننىڭ بەسەۋى دە IT كومپانيا ەكەنىن ايتا كەتەيىك.
Apple-ءدىڭ نەگىزگى تابىس اكەلىپ جاتقان ءونىمى iPhone ەكەنى تۇسىنىكتى. دەگەنمەن, سوڭعى بىرنەشە توقساندا ونىڭ ساتىلىم كولەمى ايتارلىقتاي تومەندەپ كەتىپتى. اسىرەسە, قىتايلىق ارزان سمارتفوندار وعان باستى باسەكەلەسكە اينالا باستاعانى بايقالادى. سونىڭ سالدارىنان سوڭعى 3 ايدا امەريكالىق تەحنوگيگانتتىڭ نەگىزگى ءونىمىنىڭ ساتىلىم كولەمى 17 پايىزعا ءتومەندەپ كەتكەن. الايدا, App Store, Apple Pay, iTunes, بۇلتتى سەرۆيس سياقتى قىزمەت تۇرلەرىنىڭ ساتىلىمى قارقىن الۋىنا بايلانىستى كومپانيانىڭ جالپى تابىسى سوڭعى توقساندا 5 پايىزعا ءوستى.
برەند باعاسى بىلتىرعىدان 27 پايىزعا كوتەرىلگەن Google وسى قارقىنىنان تايماسا Apple-ءدى وكشەلەپ قالۋى ابدەن مۇمكىن دەيدى ماماندار. ءتورت-اق جىل بۇرىن ول Apple-دەن ەكى ەسە ارزانعا باعالانعان ەكەن.
العاشقى بەستىكتەگى 5 IT كومپانيانىڭ ىشىندە باعاسى قۇلدىراعانى Facebook قانا. ونى بەلسەندى قولداناتىنداردىڭ سانى 2,4 ميلليارد ادامنان اسىپ جىعىلعانىنا قاراماستان, بىلتىر دەربەس دەرەكتەردىڭ ساقتالۋىنا, بەيتاراپتىلىق ساياساتىنا, جالعان جاڭالىقتارعا قاتىستى تۋىنداعان داۋ كومپانيانىڭ برەندىنە ايتارلىقتاي نۇقسان كەلتىرىپتى.
IT-دەن بولەك نارىقتاعى ەڭ قىمبات برەند اتاعىن Coca-Cola كەزەكتى مارتە قورعاپ قالدى. بىلتىرعىدان 3 پايىزعا قىمباتتاپ, 59,2 ميللياردقا باعالانعان كومپانيا التىنشى ورىنعا جايعاستى.
Forbes-ءتىڭ حابارلاۋىنشا, الەمدەگى ەڭ قىمبات 100 برەندتىڭ جالپى قۇنى 2,33 تريلليون دوللاردان اسىپ تۇسەدى. بۇل كومپانيالاردىڭ 56-سى اقش-قا تيەسىلى ەكەنىن ايتا كەتۋ كەرەك. 11 كومپانيا – گەرمانياعا, 7 كومپانيا – فرانتسياعا, 6 كومپانيا – جاپونياعا تيەسىلى.
