وسى ۋاقىت ارالىعىندا ۇيىم 410 ءىس-شارا وتكىزگەن. ونىڭ 410-ى ايماقتاردا بولسا, 14-ءى – رەسپۋبليكالىق دەڭگەيدە ۇيىمداستىرىلعان جيىندار. اتاپ ايتقاندا, ولار ورتالىق سايلاۋ كوميسسياسى, ايماقتىق سايلاۋ كوميسسيالارى جانە ۋچاسكەلىك سايلاۋ كوميسسياسى مۇشەلەرىمەن بىرنەشە كەزدەسۋ وتكىزگەن. وعان قوسا, الماتى جاستارى مەن ستۋدەنتتەرى ءۇشىن سايلاۋ زاڭناماسىن بىلۋگە قاتىستى ءجارىسسوز ءتۋرنيرى ۇيىمداستىرىلعان.
سونداي-اق پرەزيدەنتتىكتەن ۇمىتكەرلەردىڭ شتاب وكىلدەرىمەن كەزدەسىپ, سايلاۋ كۇنىنە دايىندىق جۇرگىزىپ جاتقان سايلاۋ بولىمشەلەرىنىڭ جۇمىس بارىسىن كورىپ, تەكسەرگەن.
قازىر ەلدىڭ بارلىق ايماعىندا «امانات» قوعامدىق پلاتفورماسى سايلاۋشىلارعا, جۋرناليستەرگە جانە تاۋەلسىز بايقاۋشى ازاماتتارعا ارناپ ترەنينگتەر وتكىزۋدە.
سونىمەن قاتار «امانات» نەگىزىندە 6 مىڭنان استام بايقاۋشى وقىتىلدى. بريفينگتى وتكىزۋشىلەر وسك دەرەكتەرىنە سايكەس ەلىمىزدە بارلىعى 9967 سايلاۋ بولىمشەسى بار, ولاردىڭ 560-ى ۋاقىتشا قۇرىلعانىنا توقتالدى. ازاماتتاردىڭ بارلىعىن تولىق قامتۋ ءۇشىن «امانات» شامامەن 10 مىڭ بايقاۋشىنى دايىنداۋدى جوسپارلايدى. بۇگىنگى كۇندە ازاماتتىق پلاتفورماعا بۇكىل ەل بويىنشا 260 قوعامدىق پىكىر كوشباسشىسى قوسىلدى. «اماناتقا» 185 قوعامدىق ۇيىم قوسىلعان.
