«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى اياسىندا اۋىلدىق جوبالاردى قارجىلاندىرۋ ماقساتىندا 2019 جىلعى 1 قاڭتارداعى جاعداي بويىنشا 601 ملن تەڭگە سوماسىنا 41 نەسيە بەرىلگەن. وڭىرلىك كوممۋنيكاتسيالار قىزمەتىندە وتكەن بريفينگتە «اۋىل شارۋاشىلىعىن قارجىلاي قولداۋ قورى» اق تۇركىستان فيليالى ديرەكتورىنىڭ مىندەتىن اتقارۋشىسى تالعات جانيسەنوۆ وتكەن جىلى اتالعان باعدارلاما بويىنشا وبلىستا 3 ملرد تەڭگەگە 700-دەن استام نەسيە بەرىلگەنىن اتاپ ءوتتى.
قور اۋىلدىق جوبالاردى ءتۇرلى باعىتتار بويىنشا قارجىلاندىرادى. مىسالى, «يگىلىك» باعدارلاماسى بويىنشا ءىرى قارا مال, ۇساق مال, تۇيە, قۇس, بال ارالارىن ساتىپ الۋ قاراستىرىلعان بولسا, «كاسىپكەر» جوباسى - اۋىلداعى بارلىق بيزنەس تۇرلەرىن دامىتۋعا باعىتتالعان.
ال «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا نەسيەلەر جىلدىق 6% سىياقى ستاۆكاسى بويىنشا بەرىلەدى. قازىرگى ۋاقىتتا قوردىڭ تۇركىستان فيليالىندا اتالمىش باعدارلاما اياسىندا وتىنىمدەردى قابىلداۋ باستالعان.
تۇركىستان وبلىسى
