24 مامىر، 2019

شقو كوكپەكتى اۋدانىندا جارىقسىز قالعان اۋىلدارعا جارىق قوسىلدى

1175 رەت كورسەتىلدى

ەكى تاۋلىك ىشىندە داۋىل سالدارى جويىلدى


 21 مامىر كۇنى كوكپەكتى اۋدانىنىڭ ۇلگىلىمالشى اۋىلىندا قاتتى داۋىلدان ەلەكتر باعانالارى قۇلاپ، تۇرعىندار جارىقسىز قالعان-دى. وسى اۋدانداعى مەتەوستانتسيانىڭ مالىمەتى بويىنشا 21 مامىردا كوكپەكتىدە جەل سەكۋندىنا سەكۋندىنا 18 مەتر جىلدامدىقپەن سوعىپتى. اۋدان اكىمىنىڭ ورىنباسارى مارات تەمىرجانوۆتىڭ ايتۋىنشا، 21 مامىر كۇنى ۇلگىلىمالشى اۋىلىنداعى 12 كوشەنىڭ 9 كوشەسىندە جارىق بولماپتى. «قالعان ءۇش كوشەدە جارىق سونگەن جوق. قاتتى داۋىل ۇلگىمالشى اۋىلىنداعى 4 ەلەكتر باعاناسىن قۇلاتتى. سول كۇنى كوكپەكتى اۋماقتىق ەلەكتر جەلىسىنىڭ جەدەل ارەكەت ەتۋ بريگاداسى جۇمىس ىستەپ، كەشكى ساعات 18:00-دە ەلەكتر جەلىسىنەن ايىرىلعان 95 ابونەنتتىڭ 60-ىنا جارىق قوسىلدى. 22 مامىردا ۇلگىلىمالشى اۋىلىندا كۇندىزگى 12:00-دەن كەشكى 18:00-گە دەيىن جارىق بولعان جوق. سەبەبى، وسى ۋاقىت ارالىعىندا اۋماقتىق ەلەكتر جەلىسىنىڭ 4 ارەكەت ەتۋ بريگادالارىنىڭ قۇرامىندا 18 مامان قۇلاعان ەلەكتر باعانالارىن ورنىنا قويىپ، قالپىنا كەلتىرۋ جۇمىستارىمەن شۇعىلداندى. ەكى تاۋلىك ىشىندە داۋىل سالدارى جويىلدى. اۋىل تۇرعىندارى جارىقپەن قامتاماسىز ەتىلدى» دەيدى ول.


شىعىس قازاقستان وبلىسى،

كوكپەكتى اۋدانى


سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار