سەنات توراعاسىنىڭ ورىنباسارى سەرگەي گروموۆ شارانى اشا كەلىپ, كوميسسيانىڭ وتكەن ون ءۇش وتىرىسىنىڭ ءتيىمدى بولعانىن اتاپ ءوتتى. پارلامەنتتىك ءوزارا ءىس-قيمىلدىڭ جاڭا دەڭگەيگە كوتەرىلدى. ءبىزدىڭ مەملەكەتتەرىمىزدىڭ زاڭنامالارىن ۇيلەستىرۋ سالاسىندا اۋقىمدى جۇمىستار اتقارىلدى.
ول سەنات پەن فەدەراتسيا كەڭەسى اراسىنداعى ىنتىماقتاستىق تۋرالى كەلىسىمگە سايكەس سالالىق ەكى كوميتەت جۇمىسقا بىرلەسە كىرىسكەنىن جەتكىزدى.
كوميسسيانىڭ رەسەي تاراپىنان تەڭ توراعاسى رەسەي فەدەراتسيا كەڭەسى توراعاسىنىڭ ورىنباسارى يلياس ۋماحانوۆ ءوز كەزەگىندە ءوتىپ وتىرعان وتىرىستىڭ ماڭىزدىلىعىن اتاپ ءوتتى. سونداي-اق ساندىق ەكونوميكانى دامىتۋ, جاستاردى قولداۋ جانە وسى سالاداعى ىنتىماقتاستىق ماسەلەلەرىنە توقتالدى.
«بۇل وتىرىس ءونىمدى جۇمىس ىستەيتىن بولادى جانە ءبىزدىڭ زاڭ شىعارۋشى ورگانداردىڭ ءوزارا ءتيىمدى ىنتىماقتاستىعىنا وڭ ىقپال ەتەدى دەپ سەنەمىن», - دەپ اتاپ ءوتتى س. گروموۆ.
وتىرىس بارىسىندا قازاقستان مەن رەسەي سەناتورلارى قۇقىق قورعاۋ ورگاندارى مەن سوتتاردى جانە تسيفرلاندىرۋدى زاڭنامالىق قامتاماسىز ەتۋ, جاستاردى قولداۋ ماسەلەلەرى, سونداي-اق ەكى ەلدىڭ جاستار ۇيىمدارى ىنتىماقتاستىعىنىڭ كەلەشەگى تالقىلاندى. 2019 جىل قازاقستاندا جاستار جىلى دەپ جاريالانۋىنا بايلانىستى جاستاردى قولداۋدى زاڭنامالىق قامتاماسىز ەتۋدىڭ جولدارى مەن باعىتتارىن زاڭنامالىق تۇرعىدا قامتاماسىز ەتۋ, قازاقستان رەسپۋبليكاسى مەن رەسەي فەدەراتسياسى جاستار ۇيىمدارىنىڭ ىنتىماقتاستىعىن تالقىلاۋ ماڭىزدى بولىپ وتىر.
وتىرىسقا سەناتورلار گەورگي كيم, جەڭىس نۇرعاليەۆ, تولەۋبەك مۇقاشەۆ, نۇرلان بەكنازاروۆ, ۆلاديمير ۆولكوۆ, عۇمار دۇيسەمباەۆ, سەرگەي پلوتنيكوۆ, ەلىمىزدىڭ اقپارات جانە قوعامدىق دامۋ ءمينيسترىنىڭ ورىنباسارى جۇلدىز وماربەكوۆا, تسيفرلىق دامۋ, قورعانىس جانە اەروعارىش ونەركاسىبى ءمينيسترىنىڭ ورىنباسارى ابىلايحان وسپانوۆ, جوعارعى سوتتىڭ قىلمىستىق ىستەر جونىندەگى سوت القاسىنىڭ سۋدياسى ەردەن ءارىپوۆ, باس پروكۋروردىڭ ورىنباسارى مارات احمەتجانوۆ قاتىستى.
دەپۋتاتتار سونداي-اق ىقىلاس اتىنداعى حالىق مۋزىكالىق اسپاپتار مۇراجايىندا بولىپ, ماڭگىلىك الاۋعا گۇل شوقتارىن قويدى.
كوميسسيانىڭ كەزەكتى 15 وتىرىسى رەسەيدە وتەتىن بولدى, ونىڭ ناقتى كۇنى مەن ورنى كوميسسيانىڭ حاتشىلارى ارقىلى كەلىسىلەتىن بولادى.
