قازىرگى تاڭدا كەشەن شىمكەنت قالاسىنىڭ سۋ قۇبىرلارى جەلىلەرى جوندەۋدەن وتكەن كوشەلەرىندە ارنايى كەستە بويىنشا جۇمىس ىستەۋدە.
«كەشەندە 3 ادام قىزمەت ەتەدى. ونىڭ ىشىنە ورناتۋ وپەراتورىنىڭ فۋنكتسيالارىن اتقاراتىن جۇرگىزۋشى دە كىرەدى. جۇمىسقا كىرىسپەس بۇرىن زاقىمدالعان ۋچاسكەلەر ابايلاپ تۇزەلەدى. سودان كەيىن ارنايى قوندىرعىمەن تاپتالىپ, اسفالت توسەلەدى. اسفالتتەر تەمپەراتۋراسىن ۇستاپ تۇراتىن سىيىمدىلىعى 4 توننا ارنايى بۋنكەردە ساقتالادى. شۇڭقىرعا توگىلىپ, الدىمەن ونىڭ بەتى قولمەن تەگىستەلەدى. سوڭىنان ءبىر جۇمىسشى مەحانيكالىق تەگىستەگىشپەن (كاتوك) نىعىزدايدى», دەيدى سالا جاۋاپتىلارى.
ايتا كەتەرلىگى, «باستيون» جۇمىسىن ورتالىق ديسپەتچەرلىك قىزمەت باسقارادى. كەشەن كۇنىنە 4-5 ورىنداعى شۇڭقىرلاردى جويۋعا مۇمكىندىك بەرەدى. 50 شارشى مەترگە دەيىن جول بەتىن قالپىنا كەلتىرۋ ءۇشىن بريگادا شامامەن ءبىر ساعات ۋاقىت قاجەت ەتپەك.
