قازىرگى ۋاقىتتا مەديتسينا قىزمەتكەرلەرىنىڭ وزىندىك باسقارۋ ورگاندارىنا ماڭىزدى ءرول بەرىلگەن. وعان قوسا دەنساۋلىق ساقتاۋ مينيسترلىگى وكىلەتتىگىنىڭ بولىگىن ۇكىمەتتىك ەمەس كاسىبي قاۋىمداستىقتارعا بەرۋ بويىنشا جۇمىستار جۇرگىزىلۋدە. سوندىقتان بۇل كونفەرەنتسيا وسىنداي قايتا فورماتتاۋ ۇدەرىسىنىڭ ءبىر قىرى بولىپ تابىلادى. ويتكەنى كەز-كەلگەن قاۋىمداستىقتاعى جۇمىستىڭ نەگىزگى باسىمدىعى مەديتسينالىق كومەكتىڭ ساپاسىن جوعارىلاتۋعا باعىتتالعان.
بۇگىن الماتىدا حالىقارالىق مامانداردىڭ قاتىسۋىمەن «جاسىنا قاراي ۇقساس كوز اۋرۋلارى» اتتى عىلىمي-تاجىريبەلىك كونفەرەنتسيا ءوز جۇمىسىن باستادى. ەكى كۇنگە سوزىلاتىن ءىس-شارانى «قازاقستان وفتالمولوگتار قوعامى» رەسپۋبليكالىق قوعامدىق بىرلەستىگى ۇيىمداستىرىپ وتىر.
كونفەرەنتسيا جۇمىسىنا بۇكىل قازاقستاننىڭ بەيىندى ماماندارى, وتاندىق كلينيكالار مەن تاياۋ جانە الىس شەتەلدەگى كلينيكالاردىڭ جەتەكشى سپيكەرلەرى قاتىسىپ وتىر. سونىمەن قاتار شەبەرلىك سىنىپتار كورسەتىلەتىن بولادى.
كوز اۋرۋلارىن دياگنوستيكالاۋ ادىستەرى ۇنەمى كەڭەيتىلىپ, ەمدەۋ تاسىلدەرى جەتىلدىرىلىپ تۇرادى. البەتتە, كونفەرەنتسيا اياسىندا جاڭا مەديتسينالىق قۇرال-جابدىقتار كورمەسى قاتار ءوتىپ جاتىر.
سانكت-پەتەربۋرگ قالاسىنداعى (رەسەي) ي.پ.پاۆلوۆ اتىنداعى اسپممۋ وفتالمولوگيا كافەدراسىنىڭ پروفەسسورى يۋ.تاحتاەۆ, سانكت-پەتەربۋرگتەگى «كوز ميكروحيرۋرگياسى» ساعتك ديرەكتورىنىڭ عىلىمي جۇمىس جونىندەگى ورىنباسارى, پروفەسسور ي.پانوۆا, قازاقستان, الماتىداعى قازكاعزي باسشىسىنىڭ عىلىمي-كلينيكالىق جۇمىس جونىندەگى ورىنباسارى ن.الداشەۆا سىندى وتاندىق جانە شەتەلدىك جەتەكشى دارىگەرلەر ءوز باياندامالارىن وقىدى.
ەكى كۇندىك كونفەرەنتسيادا وفتالمولوگيانىڭ ەڭ وزەكتى ماسەلەلەرى, ءتۇرلى كوز اۋرۋلارىن دياگنوستيكالاۋ مەن ەمدەۋدىڭ جاڭا تاسىلدەرى, سونداي-اق ەمدەۋ ۇدەرىسىنىڭ ساپاسى مەن قارقىندىلىعىن باقىلاۋ تاسىلدەرى تالقىلانادى. مۇنىڭ بارلىعى الەمدىك ستاندارتتارعا ساي كەلەتىن ەمدەۋ-دياگنوستيكالىق ءىس-شارالاردى جەتىلدىرۋ جانە حالىققا جوعارى ساپالى وفتالمولوگيالىق كومەكتى كورسەتۋ ءۇشىن جاسالىپ جاتىر. بۇل, ەڭ الدىمەن كورۋ قابىلەتىن ساقتاۋعا جانە ءومىر ساپاسىن جاقسارتۋعا كۇرەسۋدە وتاندىق ماماندار مەن الەمدىك وفتالمولوگيا قاۋىمداستىعىنىڭ كۇشتەرىن بىرىكتىرۋگە باعىتتالعانى ءسوزسىز.
ەلىمىزدىڭ بارلىق وڭىرىنەن جينالعان شتاتتان تىس وفتالمولوگتار قاتىساتىن قازاقستان وفتالمولوگتار قوعامىنىڭ قىزمەت ماسەلەلەرى جونىندەگى كەڭەس كونفەرەنتسيا شەڭبەرىندەگى ماڭىزدى وقيعالاردىڭ بىرىنە اينالماق.
سونىمەن قاتار, كونفەرەنتسيا اياسىندا بىرنەشە شەبەرلىك سىنىپتار وتكىزۋ جوسپارلانعان, ونىڭ ىشىندە گلاۋكوما درەناجدارىن يمپلانتتاۋ وتاسى دا بار.
كونفەرەنتسيا ءتۇرلى مەملەكەتتەردىڭ وفتالمولوگتارى اراسىندا تاجىريبەمەن, وي-پىكىرمەن, جاڭالىقتارمەن الماسۋدىڭ اقپاراتتىق الاڭىنا اينالادى, بۇل ءوز كەزەگىندە حالىقارالىق ىنتىماقتاستىقتى دامىتۋعا, وفتالمولوگيالىق عىلىم مەن تاجىريبەنىڭ تۇيتكىلدى ماسەلەلەرىن شەشۋگە ىقپالداساتىن بولادى.
الماتى
