ايەلدەر اراسىنداعى ەلىمىزدىڭ ءبىرىنشى راكەتكاسى, WTA تىزىمىندە 39 ورىندا تۇرعان يۋليا پۋتينتسەۆا رەبەككا پەتەرسونمەن شەبەرلىك بايقاسادى. 23 جاستاعى شۆەتسيا وكىلىنىڭ «ۇلكەن دۋىلعا» ساناتىنداعى تۋرنيرلەردەگى ەڭ زور ناتيجەسى – بىلتىرعى جىلى وتكەن اقش-تىڭ اشىق بىرىنشىلىگىندە ءۇشىنشى اينالىمعا جەتۋى. ال ITF دودالارىندا ول 8 رەت توپ جاردى.
الەمدىك رەيتينگتە 90 ورىندا تۇرعان زارينا دياس ودري البيمەن ايقاسادى. WTA تىزىمىندە 288 ورىنعا تۇراقتاعان 24 جاستاعى فرانتسيالىق ويىنشى ءالى دە ايتارلىقتاي تابىستارعا جەتە قويعان جوق. ول «ۆايلدكاردتىڭ» اراقاسىندا «رولان گارروسقتا» كۇش سىناسۋ قۇرمەتىنە يە بولدى.
ەرلەر اراسىندا قازاقستاننىڭ ەڭ ۇزدىك تەننيسشىسى, الەمنىڭ 48 راكەتكاسى ميحايل كۋكۋشكين مارين كليجانمەن كەزدەسەدى. تاياۋ كۇندەرى 30 جاسقا تولاتىن سلوۆاكيا سپورتشىسىنىڭ اتر تۋرنيرلەرىن 6 مارتە ۇتقانىمەن, «ۇلكەن دۋىلعا» دودالارىندا ءۇشىنشى اينالىمنان اسقان ەمەس. بۇل كۇندەرى ول الەمدىك رەيتينگتە جەرلەسىمىزدەن التى ساتى تومەن تۇر. ال الەكساندر بۋبليكتىڭ قارسىلاسى كىم بولاتىنى الداعى كۇندەرى انىقتالادى.
