بىرنەشە كۇنگى سوزىلعان جارىستىڭ قورىتىندىسى بويىنشا بىلعارى قولعاپ شەبەرلەرى جەڭىس تۇعىرىنىڭ ەڭ بيىك ساتىلارىنا كوتەرىلدى: اسقار قايسار (49 كيلو, جامبىل وبلىسى), بەرەكە سمالي (52 كيلو, الماتى قالاسى), الماس نۇرعالي (56 كيلو, الماتى قالاسى), بەكنۇر وجانوۆ (60 كيلو, شىعىس قازاقستان وبلىسى), دجاحونگير راسۋلوۆ (64 كيلو, وزبەكستان), ايدارحان نۇقانوۆ (69 كيلو, نۇر-سۇلتان), ساپارباي ايداروۆ (75 كيلو, قر قم اوسك), ەركەبۇلان اكىمباي (81 كيلو, الماتى وبلىسى, مۇحاممەدجان ەركىن (91 كيلو, قر قم اوسك) جانە الەكساندر سيدورين (+91 كيلو, رەسەي).
– جىل سايىن الماتىدا ءوتىپ تۇراتىن بۇل جارىستىڭ ءوز تاريحى مەن ءداستۇرى بار. كوزى ءتىرى بولعاندا, تاۋەلسىز قازاقستاننىڭ تاريحىنداعى تۇڭعىش قورعانىس ءمينيسترى ساعادات نۇرماعامبەتوۆ 25 مامىر كۇنى 95 جاسقا تولاتىن ەدى. ايتۋلى ازامات بارلىق عۇمىرىن ءوز وتانىنا قىزمەت ەتۋگە ارنادى. قازىرگى قازاقستان رەسپۋبليكاسى قارۋلى كۇشتەرىنىڭ ىرگەتاسىن قالاۋعا ۇلكەن ۇلەس قوستى. وسىلاي تىزبەكتەي بەرسەك, ساعادات قوجاحمەت ۇلىنىڭ ەلىنە سىڭىرگەن ەڭبەگى وراسان زور. ال ونداي ازاماتتاردىڭ ەسىمدەرى حالىقتىڭ ەسىندە ماڭگى ساقتالاتىنى انىق, – دەيدى قر قم اوسك-نىڭ باستىعى ايتالاپ قۇرعامباەۆ.
جارىس اياقتالعاننان كەيىن جەڭىمپازدار مەن جۇلدەگەرلەرگە ديپلومدار مەن مەدالدار تابىس ەتىلدى. ال 69 كيلو سالماق دارەجەسىندە توپ جارعان نۇر-سۇلتان قالاسىنىڭ وكىلى ايدارحان نۇقانوۆقا وسى ءتۋرنيردىڭ ەڭ ۇزدىك بوكسشى اتانىپ, ارنايى سىيلىققا يە بولدى.
