قازىلار القاسىنىڭ قۇرامىنداعى تانىمال ءانشى مارجان اراپباەۆا مەن مۋزىكالىق پروديۋسەر فاريدا نيازوۆا 8 بەن 12 جاس ارالىعىنداعى 300-دەن استام قاتىسۋشىنى تىڭدادى.
بايقاۋدىڭ اقتىق كەزەڭىنە 10 جاسار كاميللا كۋزدەنباەۆا ءوتتى. ول قازىلار القاسى مەن كورەرمەندەردى ءوزىنىڭ ەرەكشە داۋىسى مەن ىرعاقتى سەزۋ قابىلەتىمەن تاڭعالدىردى. كاميللانىڭ كەرەمەت تابيعي ۆوكالدى قابىلەتتەرى ەشكىمدى بەيجاي قالدىرعان جوق. اناسىنىڭ ايتۋى بويىنشا شىعارماشىلىق يكەمدىلىكتەرىن كاميللا بالالىق شاعىنان باستاپ تانىتىپ كەلەدى. قارجى قىزمەتكەرلەرىنىڭ وتباسىندا دۇنيەگە كەلگەن بالدىرعان ءبىر جارىم جاسىندا-اق اينالاداعىلاردى «انتوشكا» ءانىن ورىنداۋمەن قۋانتقان. ال العاش ۆوكال ساباقتارىنا كاميللا ءۇش جاسقا تولماي جازىلعان. سول كەزدەن باستاپ ول مۋزىكا مەن ءانسىز ەشبىر كۇنىن ءوتكىزبەيدى. سونىمەن قاتار دارىندى بالدىرعان يسپان ءتىلىن ۇيرەنۋدە. بۇل ءتىلدىڭ وعان ۇنايتىنى سونشالىقتى, رەپەرتۋارىنداعى اندەردىڭ كوپ ءبولىگى سول تىلدە ورىندالادى. استانالىق فيناليست بي جانە فورتەپيانودا ويناۋمەن شۇعىلدانادى. بولاشاقتا كاميللا كۋزدەنباەۆا ءوزىن الەم ساحنالارىنىڭ جۇلدىزى رەتىندە كورەدى. ول ەلىمىزدەگى ەڭ اۋقىمدى بالالار جوباسى – «بالا داۋىسى» بۇل ارمانعا جەتۋ جولىندا ءوز سەپتىگىن تيگىزەتىنىنە سەنىمدى.
كۇزدە كاميللا قازاقستاننىڭ باسقا ايماقتارىنىڭ 16 فيناليسىمەن «جۇلدىزدى ارمان ۇيىندە» كەزدەسەدى. بايقاۋدىڭ سۋپەرفينالىنا دايىندالۋ ماقساتىندا بالالار ۆوكال, حورەوگرافيا جانە ءارتىستىك قابىلەتتەرىن ارتتىراتىن ساباقتارعا قاتىسادى.
25 مەن 27 قازان كۇندەرى بالدىرعاندار جوبانىڭ اقتىق باعدارلامالارىندا ونەر كورسەتىپ, بايقاۋعا ارنايى جازىلعان اندەردى ورىندايدى.
