ولاردىڭ ايتۋىنشا سلاۆيان جازۋىن توعىزىنشى عاسىردا اعايىندى كيريلل مەن مەفودي ەنگىزگەن. جاڭا الفاۆيت اۋليە كونستانتيننىڭ قۇرمەتىنە "كيريلليتسا" دەپ اتالعان. شارا بارىسىندا وسىدان 116 جىل بۇرىن جازىلعان «حات جازۋعا ۇيرەتۋ» اتتى كىتاپ نەگىزىندە ارىپتەردىڭ جازىلۋى مەن سيا قالامداردىڭ شىعۋ تاريحى تانىستىرىلدى. مۇنداي كونە كىتاپ تەك وتباسىلىق كىتاپحانالاردا, ونىڭ وزىندە وتە سيرەك كەزدەسەدى ەكەن.
شەبەرلىك ساعاتىنا قاتىسۋشىلار 1996 جىلى اشىلعان سيرەك كىتاپتار مۇراجايىمەن تانىسۋعا مۇمكىندىك الدى. بۇل جەردە 18-19 عاسىرلاردا جازىلعان 3000- عا جۋىق شىعارما ساقتاۋلى تۇر. ولاردىڭ ىشىندە ەڭ كونەسى– «پسالتىر» كىتابى. بۇل تۋىندىنى تەك رەسپۋبليكالىق ۇلتتىق كىتاپحانا مەن وسى وڭىردەگى كىتاپحانادان عانا تابۋعا بولادى.
«بۇل كىتاپ كونە سلاۆيان تىلىندە جازىلعان. سالماعى وتە اۋىر. ماكسيم گوركي ء وزىنىڭ ەڭبەگىندە بالا كۇنىمدە پسالتىر كىتابىن وقىپ وسكەنمىن دەپ جازىپ قالدىرعان ەكەن», دەيدى جەرگىلىكتى ولكەتانۋشى ليديا مەلەحينا.
كىتاپتى وقۋ وتە قيىن, تەك قازىرگى ارىپتەرگە ۇقساستارىن عانا اجىراتۋعا بولادى. كىتاپحانا ونى كەزىندە قىمبات باعاعا ساتىپ العان.
سولتۇستىك قازاقستان وبلىسى
