ساياسات • 23 مامىر، 2019

ەلباسى «Nur Otan» پارتياسىنان ۇسىنىلعان كانديداتتىڭ رەسپۋبليكالىق قوعامدىق شتابىنا باردى

1013 رەت كورسەتىلدى

قازاقستاننىڭ تۇڭعىش پرەزيدەنتى نۇرسۇلتان نازارباەۆ «Nur Otan» پارتياسىنان ۇسىنىلعان كانديداتتىڭ رەسپۋبليكالىق قوعامدىق شتابىنا باردى. بۇل تۋرالى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى حابارلادى.

ەلباسى «Nur Otan» پارتياسى كانديداتىنىڭ رەسپۋبليكالىق قوعامدىق شتابىنىڭ مۇشەلەرىمەن كەزدەسىپ، وڭىرلىك شتاب جەتەكشىلەرىمەن سەلەكتورلىق كەڭەس وتكىزدى.

قازاقستاننىڭ تۇڭعىش پرەزيدەنتى سايلاۋالدى شتابتىڭ جۇمىسىن ءجىتى قاداعالاپ وتىرعانىن ايتتى.

– سايلاۋعا 7 كانديدات ءتۇستى. بۇل – ەلىمىزدە ساياسي باسەكەنىڭ بار ەكەنىن ايعاقتايدى. كانديداتتار ءتۇرلى قوعامدىق توپتار مەن بىرلەستىكتەردىڭ مۇددەسىن بىلدىرەدى. ءار كانديدات ەلىمىزدى جانە قوعامدى دامىتۋدىڭ ءوز باعدارلاماسىن ۇسىندى، – دەدى نۇرسۇلتان نازارباەۆ.

ەلباسى بارلىق كانديداتتارعا سايلاۋالدى ۇگىت ناسيحات جانە تۇرعىندارمەن جۇمىس جۇرگىزۋ ءۇشىن بىردەي مۇمكىندىكتەر بەرىلگەنىن اتاپ ءوتتى. قازاقستاننىڭ تۇڭعىش پرەزيدەنتى شتابتىڭ جاستار قاناتىنىڭ جۇمىسىنا توقتالدى. 

– مەن تاۋەلسىزدىكتىڭ العاشقى كۇندەرىنەن باستاپ جاستاردى تاربيەلەۋ جانە وقىتۋ ماسەلەسىنە ەرەكشە ءمان بەردىم. بۇل جۇمىستى جالعاستىرا بەرۋ قاجەت. بولاشاعىمىز ءبىلىمدى ازاماتتاردىڭ قولىندا. بىلىكتى كادرلار دايىنداي العان مەملەكەتتەردىڭ عانا كەلەشەگى جارقىن بولادى. شتابقا تانىمال تۇلعالاردىڭ – جاستار وكىلدەرىنىڭ ەنگەنىنە قۋانىشتىمىن. ولاردىڭ سايلاۋ ناۋقانىنا قاتىسۋى وتە ماڭىزدى. جاستار قازاقستان حالقىنىڭ ەلەۋلى بولىگىن – 4 ميلليوننان استام ادامدى قۇرايدى. سولاردىڭ ءبارى تاۋەلسىزدىك جىلدارى ءوسىپ-جەتىلدى. جاستارىمىزعا زور ءۇمىت ارتامىن، – دەدى نۇرسۇلتان نازارباەۆ.

رەسپۋبليكالىق جانە وڭىرلىك شتابتاردىڭ جۇمىسى تۋرالى اقپاراتتى تىڭداعان سوڭ، «Nur Otan» پارتياسىنىڭ توراعاسى سايلاۋالدى باعدارلامانى ءتۇسىندىرۋ ءۇشىن اتقارىلىپ جاتقان جۇمىستاردىڭ قارقىنىن باسەڭدەتپەۋدى تاپسىردى.     

ەلباسى ۇلتارالىق كەلىسىمدى نىعايتۋ، مەملەكەتتىڭ ستراتەگيالىق دامۋ باعىتىن دايەكتى جۇزەگە اسىرۋ قاجەتتىگىنە نازار اۋداردى.

قازاقستاننىڭ تۇڭعىش پرەزيدەنتى ينفراقۇرىلىمدى دامىتۋ، وڭىرلەردە تۇرعىن ءۇي سالۋ، حالىقتىڭ از قامتىلعان توپتارىن قولداۋ، جاڭا جۇمىس ورىندارىن اشۋ جونىندەگى مەملەكەتتىك باعدارلامالاردى جۇزەگە اسىرۋ ماسەلەلەرىنە دە توقتالدى.

– قازاقستاندا جۇمىسسىزدىق ەمەس، كاسىپتىڭ تاپشىلىعى بار. سول سەبەپتەن ءبىرىنشى جۇمىسشى ماماندىعىنا تەگىن وقىتاتىن باعدارلاما ازىرلەنگەن بولاتىن. ءبىز جاستار ءۇشىن بارلىق جاعداي مەن مۇمكىندىك جاسادىق، – دەدى نۇرسۇلتان نازارباەۆ.

ەلباسى، سونداي-اق، حالىقپەن ءتيىمدى كەرى بايلانىس ورناتۋعا باعىتتالعان «بىرگە» اتتى جالپىۇلتتىق اكتسيانى ىسكە اسىرۋ بارىسىن جوعارى باعالادى.  

– پارتيا بارلىق تاپسىرمالاردىڭ ورىندالۋىن باقىلاۋعا الۋدى قامتاماسىز ەتۋى قاجەت. پارتيا جاۋاپكەرشىلىكتى سەزىنۋگە ءتيىس. پارتيانىڭ حVIII سەزىندە قابىلداعان 2030 جىلعا دەيىنگى باعدارلاماسىن ورىنداۋ كەرەك. پارتيا ەلىمىزدى جاڭعىرتۋدىڭ فلاگمانىنا اينالۋعا ءتيىس، – دەدى نۇرسۇلتان نازارباەۆ.

سوڭىندا ەلباسى ەل ىشىندەگى ساياسي ۇدەرىستەردىڭ ەرەكشە ماڭىزدىلىعىن اتاپ ءوتىپ، بارلىق قازاقستاندىقتاردى الداعى سايلاۋعا بەلسەندى تۇردە قاتىسۋعا شاقىردى. 

– شتابتىڭ بارلىق مۇشەلەرى اۋقىمدى ءارى ماڭىزدى جۇمىس اتقارۋدا. ءبىز جەتىستىككە جەتەتىن مىقتى كوماندا قۇردىق. مەن ەلىمىزدىڭ يگىلىگى ءۇشىن قىزمەت ەتە بەرەمىن. مەملەكەتىمىزدە قوس بيلىككە جول بەرىلمەيتىنىن اتاپ وتكىم كەلەدى. ءبارىمىز حالىق سايلاعان پرەزيدەنتكە قولداۋ كورسەتىپ، جۇمىس ىستەيمىز، – دەپ تۇيىندەدى قازاقستاننىڭ تۇڭعىش پرەزيدەنتى.



سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار