ايماقتار • 23 مامىر، 2019

پوليتسەيلەر جاستارمەن كەزدەستى

721 رەتكورسەتىلدى

ەلباسى جارلىعىمەن 2019 جىل «جاستار جىلى» دەپ جاريالانۋىنا بايلانىستى، جاستاردى كەشەندى قولداۋ ماقساتىندا قاجەتتى شارالار قابىلداۋدى قاۋلى ەتكەن بولاتىن.

ماڭعىستاۋدا پوليتسيا دەپارتامەنتىنىڭ باسشىسى ق.تايمەردەنوۆ ء بىر توپ جاستارمەن كەزدەستى. كەزدەسۋگە ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ زاڭ فاكۋلتەتىندە وقيتىن ستۋدەنتتەر مەن تۇلەكتەرى كەلدى. قاۋىپ-قاتەردىڭ ورتاسىندا جۇرەتىن پوليتسەيلەردىڭ قىزمەتىمەن تانىسۋدىڭ العاشقى قادامى جاستار ءۇشىن ۇيىمداستىرىلعان شاعىن ەكسكۋرسيادان باستالدى. ولار دەپارتامەنتتىڭ مۇراجايىنا بارىپ، مۇنداعى ەكسپوناتتارمەن، ءىىو تاريحىمەن تانىستى. بۇكىل قالانىڭ كورىنىسى ايقىندالىپ تۇرعان جەدەل-باسقارۋ ورتالىعىنا باردى. جا پوليتسيا قىزمەتكەرلەرى سپورتپەن شۇعىلداناتىن «دينامو» كەشەنىنە بارعان ولار قىزمەتكەرلەردىڭ اتىس قارۋمەن جاتتىعاتىن ورنى – ءتيردى كورىپ، سپورتتىق ومىرىمەن تانىستى.

كەزدەسۋ بارىسىندا باس پوليتسەي قيىندىعى مول قىزمەتتىڭ قىر-سىرىن ءتۇسىندىرىپ، جاستاردى ىشكى ىستەر ورگانىنا قىزمەتكە شاقىردى. ءاربىر قىزمەتكەردەن تەمىردەي ءتارتىپ پەن كاسىبي بىلىكتىلىكتى تالاپ ەتىلەتىن بۇل قىزمەت ەڭ ءبىرىنشى ەلدىڭ قاۋىپسىزدىگىن قامتاماسىز ەتىپ، قۇقىق بۇزۋشىلىق پەن قىلمىستاردىڭ الدىن الۋ باعىتىندا جۇمىس جاسايتىنى تۋرالى ايتىپ جەتكىزدى.

كەزدەسۋ بارىسىندا ستۋدەنتتەر دەپارتامەنت باسشىسىنا وزدەرىنىڭ ساۋالدارىن قويىپ، ءتيىستى جاۋاپتارىن الدى.

سوڭعى جاڭالىقتار

ۇقساس جاڭالىقتار