ءىس-شارا قارساڭىندا قالا تۇرعىندارى مەن جاستارى ءۇشىن بەلگىلى ساراپشىلار مەن جاتتىقتىرۋشىلاردىڭ شەبەرلىك ساباقتارى مەن ترەنينگتەرى ءوتتى. ۆوركشوپتاردا «ديزاين-ويلاۋ», «ۋنيۆەرسيتەتتەن كەيىنگى كاسىپكەرلىك – 10 قاتەلىك», «كاسىپكەرلىك نەگىزدەرى: نولدەن بىرگە دەيىن» جانە ت.ب. ترەند تاقىرىپتارى باياندالدى.
فورۋمعا, سونىمەن قاتار «نازارباەۆ زياتكەرلىك مەكتەپتەرى» باسقارماسىنىڭ توراعاسى سۆەتلانا ەسبوسىنوۆا, كاسىپكەرلىك جانە تارتىلعان ۋنيۆەرسيتەتتەردىڭ اككرەديتاتسيالىق كەڭەسىنىڭ نەگىزىن قالاۋشى جانە توراعاسى, University Industry Innovation Network نەگىزىن قالاۋشى Dr. Thorsten Kliewe, IGlobal ۋنيۆەرسيتەتىنىڭ پرەزيدەنتى Dr David Sohn, حالىقارالىق جانە ۇلتتىق ساراپشىلار, جوو وقىتۋشىلارى جانە تاعى باسقالار قاتىستى.
فورۋمدى اشقان ۆيتسە-پرەمەر, بۇگىن دە قازاقستاندا ءۇشىنشى جاڭعىرتۋ جۇزەگە اسىرىلىپ جاتقانىن اتاپ ءوتتى. ونىڭ ماقساتى - شيكىزاتتىق تاۋەلدىلىكتەن يننوۆاتسيالىق ەكونوميكاعا كوشۋ. وسىعان بايلانىستى قر تۇڭعىش پرەزيدەنتى – ەلباسى ن.ءا. نازارباەۆ: «بارلىق كۇش-جىگەر ەلدى بولاشاق سەرپىلىسكە دايىنداۋعا جانە مىقتى قازاقستاندى قۇرۋعا باعىتتالعان», — دەپ اتاپ ءوتتى.
«تسيفرلىق داۋىرگە جاھاندىق كوشۋ جاعدايىندا الەمدىك كاسىپكەرلىك ءبىلىم بەرۋ باستى ترەندكە - باعدارلامالاردى دارالاندىرۋ مەن مامانداندىرۋدى يمپلەمەنتاتسيالاۋعا, وقۋ پروتسەسىنە يننوۆاتسيالار مەن ءتورتىنشى ونەركاسىپتىك رەۆوليۋتسيانىڭ تەحنولوگيالارىن كەڭىنەن ەنگىزۋگە سايكەس وزگەرەتىن بولادى», — دەدى گ. ابدىقالىقوۆا.
ەلىمىزدە كاسىپكەرلىك ءۇشىن قاجەتتى جاعدايلار جاسالعان, بيزنەس-ينكۋباتورلار دامىپ كەلەدى جانە جوو-دا ساپالى ستارتاپتاردىڭ ءوسۋى ءۇشىن مۇمكىندىكتەر بار. مىسالى, تەحنولوگيالىق دامۋ جونىندەگى ۇلتتىق اگەنتتىك اكادەميالىق بيزنەس-ينكۋباتورلاردى قولداۋ باعدارلاماسىن جۇزەگە اسىرۋدا. بۇگىن دە وسىنداي 20 قۇرىلىم (ۋنيۆەرسيتەتتىك, كوممەرتسيالىق الاڭدار جانە ت.ب.) جۇمىس ىستەيدى.
فورۋمدا يننوۆاتسيالىق ەكونوميكا ءۇشىن كاسىپكەرلىك ءبىلىمدى جەتىلدىرۋ, مەملەكەت, ءبىلىم, بيزنەس جانە ازاماتتىق قوعام سەرىكتەستىگىن, ءبىلىم بەرۋ مەكەمەلەرىندە باسقارۋ كوماندالارىن دامىتۋ جانە ت. ب. ماسەلەلەر جان-جاقتى تالقىلاندى.
