«بايتەرەك» حولدينگى ءۇشىن شاعىن جانە ورتا بيزنەستى قولداۋ — ونىڭ جۇمىسىنىڭ باستى باعىتتارىنىڭ ءبىرى. ول ءۇشىن ەنشىلەس ۇيىم — «دامۋ» كاسىپكەرلىكتى دامىتۋ قورى جۇمىس ىستەيدى, قور نارىققا 25 جىل بۇرىن شىققان.
«بايتەرەك» ۇبح» اق باسقارما توراعاسى ا. ءارىپحانوۆ اتاپ وتكەندەي, مەملەكەتتىك باعدارلاما اياسىندا شاعىن جانە ورتا بيزنەس سۋبەكتىلەرى كەپىلدىك قامتاماسىز ەتۋ جەتپەگەن جاعدايدا نەسيەلەر بويىنشا سۋبسيديالاۋ جانە كەپىلدەندىرۋ تۇرىندە قولداۋ الا الادى.
«ءبىز شاعىن/مونو قالالارداعى جانە اۋىلدىق جەرلەردەگى ەكونوميكانىڭ باسىمدىقتى سالالارىنداعى بيزنەستى, سونداي-اق ەكسپورتتىق الەۋەتتى, جاقىن جانە الىس شەتەلدەردىڭ نارىعىنا شىعاتىن ءبىزدىڭ ەكسپورتشىلاردى قولدايمىز. بۇل باعدارلاما ىسكە قوسىلعان ۋاقىتتان بەرى 13 مىڭ جوبا سۋبسيديالانىپ, 5 مىڭ جوبا كەپىلدەندىرىلدى (2010 ج. بەرى)», — دەدى ا. ءارىپحانوۆ.
«بايتەرەك» ۇبح» اق باسقارما توراعاسى حولدينگتىڭ باعدارلامالاردى ىسكە اسىرۋ بويىنشا وبلىستاردىڭ اكىمدىكتەرىمەن بەلسەندى ىنتىماقتاستىق ورناتقانىن اتاپ ءوتتى. كاسىپكەرلەرگە مۇنداي قولداۋ كورسەتۋ قازاقستان ەكونوميكاسىنا اۋقىمدى وڭ اسەرىن تيگىزەدى. «بجك-2020» باعدارلاماسى ىسكە اسىرىلعان جىلدارى باعدارلاما قاتىسۋشىلارى 900 ملرد سالىق تولەگەن, 13,5 ترلن تەڭگەگە جۋىق سوماعا ءونىم شىعارۋ قامتاماسىز ەتىلدى. ونى ىسكە اسىرۋدىڭ ارقاسىندا 90 مىڭنان استام جۇمىس ورىندارى قۇرىلىپ, 312 مىڭعا جۋىق قازىر بار بوس ورىندارعا قولداۋ ءبىلدىرىلدى.
سونىمەن قاتار, «دامۋ» قورىنىڭ جەلىسى بويىنشا 18 كاسىپكەرلەرگە قىزمەت كورسەتۋ ورتالىعى جانە قازاقستاننىڭ 14 وبلىسىندا كاسىپكەرلىكتى قولداۋدىڭ موبيلدىك ورتالىقتارى جۇمىس ىستەيدى. كاسىپكەرلەر ءۇشىن «ءبىر تەرەزە» قاعيداتى بويىنشا بارىنشا قولايلى جاعدايلار جاسالعان. ورتالىقتىڭ وپەراتسيا زالدارىندا ءتۇرلى باعىتتار بويىنشا كەڭەسشىلەر, سەرۆيستىك كومپانيالار قىزمەتكەرلەرى, «اتامەكەن» ۇكپ قىزمەتكەرلەرى, ەكىنشى دەڭگەيلى بانكتەر مەن «دامۋ» قورىنىڭ وكىلدەرى جۇمىس ىستەيدى.
«2013 جىلى كاسىپكەرلەرگە قىزمەت كورسەتۋ ورتالىقتارى اشىلعاننان بەرى ولاردىڭ بازاسىندا 349 مىڭنان استام كليەنتكە قىزمەت كورسەتىلىپ, ولارعا 545 مىڭ كەڭەس بەرىلدى. 2018 جىلدان باستاپ قوردىڭ كقكو بازاسىندا مەنەدجەرلەر كاسىپكەرلەردىڭ جوبالارىنا ولاردىڭ وتىنىمدەرىن ەكىنشى دەڭگەيلى بانكتەر ماقۇلداعانعا دەيىن قولداۋ كورسەتۋ قىزمەتتەرىن ۇسىنادى», — دەدى ا. ءارىپحانوۆ.
2018 جىلدان باستاپ 2019 جىلدىڭ 1 مامىرىنداعى جاعداي بويىنشا كاسىپكەرلەرگە قىزمەت كورسەتۋ ورتالىعى بازاسىندا 7,7 جوباعا قولداۋ كورسەتىلدى.
سونىمەن قاتار ا. ءارىپحانوۆ قر تۇڭعىش پرەزيدەنتى - ەلباسى ن. نازارباەۆتىڭ تاپسىرماسى بويىنشا «بيزنەستىڭ جول كارتاسى- 2020» باعدارلاماسى تاعى بەس جىلعا سوزىلاتىنىن ايتتى. اينالىمداعى قارجىلاردى تولىقتىرۋعا سۋبسيديالاۋ جانە كەپىلدەندىرۋ بويىنشا نەسيەلەر كولەمىن 60 ملن تەڭگەدەن 360 ملن تەڭگەگە دەيىن ارتتىرۋ جوسپارلانعان. نەسيە ماقساتتارىنىڭ ءتىزىمى كەڭەيتىلەدى - ەندى قازاقستاندىق جانە شەتەلدىك فرانچايزينگتى پايدالانۋمەن ءوزىنىڭ بيزنەسىن باستايتىن نەمەسە جۇمىس ىستەپ تۇرعان بيزنەسىنىڭ جاڭا باعىتتارىن دامىتاتىن كاسىپكەرلەرگە قولداۋ كورسەتىلەتىن بولادى. باعدارلاماعا قاتىسۋشى وپەراتورلار ارتتىرىلادى, ولارعا شاعىن قارجىلىق ۇيىمدار قوسىلادى.
بۇدان وزگە, حولدينگ «QazTech Ventures» اق ەنشىلەس ۇيىمى ارقىلى بيزنەس-ينكۋباتسيالاۋ جۇيەسىن دامىتادى. كومپانيا سىرتقى ساراپشىلاردى تارتۋمەن, جوبالاردى كوممەرتسيالاندىرۋ ماسەلەلەرى بويىنشا ينكۋباتورداردىڭ جۇمىسىنا كونسۋلتاتسيالىق قولداۋ كورسەتەدى, سونىمەن قاتار بيزنەس-ينكۋباتورلار رەزيدەنتتەرىنە جوبالاردى گرانتتىق قولداۋعا يە بولۋدا ىقپال ەتەتىن بولادى. 2019 جىلى كەمىندە 3 بيزنەس-ينكۋباتوردى قولداۋ جوسپارلانعان.
