«بيىلعى ءتورت اي ىشىندە كامەلەتكە تولماعاندار ىستەرى جانە ولاردىڭ قۇقىقتارىن قورعاۋ جونىندەگى كوميسسيانىڭ وتىرىسىندا (وتكەن جىلدىڭ 4 ايىنداعى 57 ماتەريال) 72 ماتەريال قاراستىرىلدى, ونىڭ ناتيجەسى مىناداي شەشىمدەرگە يە بولدى: اتا-انا قۇقىعىنان ايىرۋ - 5, اتا-انا قۇقىقتارىن شەكتەۋ - 2, دەۆيانتتى مىنەز-ق ۇلىقتى بالالارعا ارنالعان ارنايى مەكتەپ-ينتەرناتقا ورنالاستىرۋ - 7, الەۋمەتتىك كومەك, قۇجاتتاما - 3, تۇسىندىرمە جۇمىستارى - 35, جۇمىسقا ورنالاسۋعا كومەك - 11», دەدى اكىمنىڭ باس ينسپەكتورى ريمما يمانعازينوۆا.
ەلوردادا كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ بويىنشا جۇمىس جۇيەلى جۇرگىزىلۋدە. بىراق وعان قاراماستان, پوليتسيادا 252 كامەلەتكە تولماعان جاس تىركەلگەن.
«تالداۋ ناتيجەسىندە كامەلەتكە تولماعاندار
اراسىندا قۇقىق بۇزۋشىلىقتىڭ الدىن الۋ جانە وتباسىلىق-تۇرمىستىق
زورلىق-زومبىلىقتى بولدىرماۋداعى قاجەتتى ناتيجەلەرگە قول جەتكىزۋ ۇشىن
الدىمەن بىرقاتار جالپى ماسەلەلەردى شەشۋ كەرەكتىگى انىقتالدى. بۇعان
ۇيدەگى زورلىق-زومبىلىقتىڭ الدىن الۋ ءۇشىن قۇزىرەتتىلىك (ىشكى ىستەر مينيسترلىگىنەن
باسقا); اقپاراتتاندىرۋ, وزارا اقپارات الماسۋ جانە سالىستىرىپ تەكسەرۋدىڭ
ايقىن مەحانيزمى; ماقساتتى قارجىلاندىرۋ; وتباسىلىق ماسەلەلەر بويىنشا مەملەكەتتىك
ساياساتتى ىسكە اسىراتىن بىرىڭعاي ۇيلەستىرۋ ورگانى سياقتى ماسەلەلەر جاتادى», دەپ اتاپ ءوتتى ريمما يمانعازينوۆا.
