سپورت • 22 مامىر، 2019

«شاحمات» ءپəنى تاعى 40 مەكتەپكە ەنگىزىلەدى

830 رەت كورسەتىلدى

جۋىردا رەسپۋبليكامىزدىڭ تاعى 40 ورتا مەكتەبى «شاحمات مەكتەپتەردە» باعدارلاماسى اياسىندا وتكەن كونكۋرستىڭ جەڭىمپازى بولىپ تانىلدى.

قازاقستان شاحمات فەدەراتسياسى قۇراستىرعان əدىستەمەلىك وقۋلىقتارى بويىنشا جاڭا وقۋ جىلى، ياعني 1-قىركۇيەكتەن باستاپ، سول وقۋ ورىندارىنىڭ بارلىعىندا ارنايى ساباقتار جۇرگىزىلەدى. 

– كونكۋرسقا 11 ءوتىنىش ءتۇسىپ، ەكسپەرتتىك كەڭەس سولاردىڭ بارلىعىن مۇقيات قارادى، – دەيدى جوبا مەنەدجەرى سالتانات نوعايبالانوۆا. – جۇلدە قورىن نوۋتبۋكتەر، دىبىس شىعارعىشتار، پروەكتارلار، مفۋ، شاحمات تاقتالارى مەن تاستارى، ساعاتتار جəنە كورسەتىلىم قۇرالدارى قۇرادى. سونىمەن قوسا، جەڭىمپاز بولىپ تانىلعان مەكتەپتەر باستاۋىش سىنىپ وقۋشىلارىنا ارناپ قازاقستان شاحمات فەدەراتسياسى قۇراستىرعان وقۋ باعدارلاماسى مەن əدىستەمەلىك وقۋلىقتارمەن قامتاماسىز ەتىلەدى. 

وسى كۇنگە دەيىن وسى باعدارلاما الماتى، پاۆلودار، قىزىلوردا جəنە شىمكەنتتىڭ 44 مەكتەبىندە جۇزەگە اسىرىلدى. سول جەرلەردە 2 مىڭنان اسا وقۋشى ءتəلىم الۋدا. وسى سپورت ءتۇرىن دۇرىس مەڭگەرۋ ءۇشىن 85 باپكەر مەن 41 پسيحولوگ ارنايى دايىندىقتان ءوتىپ، بىلىمدەرىن جەتىلدىردى.

– «شاحمات مەكتەپتە» جوباسى – ءبىزدىڭ فەدەراتسيا ۇستانعان باسىم باعىتتارىنىڭ ءبىرى. جاڭا وقۋ جىلى قارساڭىندا وسى باعدارلاما قازاقستاننىڭ 34 قالاسى مەن اۋىلداردىڭ 84 ورتا مەكتەبىندە ءوز جۇمىسىن باستادى. ەڭ قۋانىشتىسى، ايتۋلى كونكۋرس رەسپۋبليكامىزدىڭ بارلىق وبلىسىن قامتىدى، – دەيدى  قازاقستان شاحمات فەدەراتسياسىنىڭ اتقارۋشى ديرەكتورى يرينا گريششەنكو

جوعارىدا اتالعان كونكۋرستا رەسپۋبليكامىزدىڭ ءار ايماعىنداعى 30 قالا مەن اۋىل مەكتەپتەرىنىڭ جەڭىسكە جەتكەنىن ايتا كەتۋ ابزال. سولاردىڭ قاتارىندا نۇر-سۇلتان، الماتى، كوكشەتاۋ، اقتوبە، تەمىر، اتىراۋ، شىمكەنت، جەزقازعان، قاراعاندى، قارقارالى، تەمىرتاۋ، قوستاناي، قىزىلوردا، اقتاۋ، ەكىباستۇز، پەتروپاۆلوۆسك، ارىس جəنە ولاردان بولەك تاعى بىرنەشە اۋىلدار بار.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار