چەمپيوناتقا الەمنىڭ 20 ەلىنەن ەڭ مىقتى ساداقشىلار قاتىسادى. جارىس «ازيا ءستيلى», «تۇرىك ءستيلى» جانە «جامبى اتۋ» ەرەجەلەرى بويىنشا وتەدى.
ەلوردا تۇرعىندارى مەن قوناقتارى 1 ماۋسىمدا ساعات 10:00-دەن 14:00-گە دەيىن, سونداي-اق 2 ماۋسىمدا ساعات 10:00-دەن 14:00-گە دەيىن جانە 15:30-دان 18:30-عا دەيىن ساداقشىلاردىڭ ونەرىن تاماشالاي الادى. جەڭىمپازداردى ماراپاتتاۋ ءراسىمى سول كۇنى ساعات 19:00-دە وتەدى.
«31 مامىردان 2 ماۋسىمعا دەيىن ەلوردادا العاش رەت Nur-Sultan Ethno Fest ەتنومادەني مەرەكەسى وتەدى. «حان-شاتىر» سوو جانىنداعى الاڭدا كيىز ۇيلەر تىگىلىپ, جىلقى مەن قۇستاردىڭ كورمەسى وتەدى. كەلۋشىلەر وزدەرىن قىش ونەرىندە سىناي الادى. ەتنواۋىل كەلۋشىلەر ءۇشىن ساعات 10:00-دەن 22:00-گە دەيىن اشىق بولادى», – دەلىنگەن ەلوردانىڭ مادەنيەت جانە سپورت باسقارماسىنىڭ حابارلاماسىندا.
سونىمەن قاتار, 1 ماۋسىم – بالالاردى قورعاۋ كۇنى قارساڭىندا Nur-Sultan Ethno Fest اۋماعىندا بالالار اتتراكتسيوندارى جۇمىس ىستەيتىن بولادى. فەستيۆالدىڭ كىشكەنتاي قوناقتارى استانالىق قۋىرشاقتار تەاترىنىڭ ۇزدىك قويىلىمدارىن تەگىن تاماشالاپ, ات ۇستىندە سەرۋەندەپ, اسىق پەن ليانگادا ويناپ, وتباسىلىق ەستافەتاعا قاتىسا الادى.
Nur-Sultan Ethno Fest فەستيۆالىنىڭ رەسمي اشىلۋى 31 مامىردا ساعات 19:00-دە وتەدى.
