بۇكىل الەم بويىنشا 22 مامىر كۇنى اتاپ وتىلەتىن حالىقارالىق بيولوگيالىق سانالۋاندىلىق كۇنىنە وراي ەرتەڭ ەكى كۇندىك ۋلتراەكومارافون باستالادى. «التىن ەمەل» ۇلتتىق ساياباعىنداعى «ءانشى قۇم» تابيعات ەسكەرتكىشىنەن باستالاتىن ەكومارافوننىڭ ۇزاقتىعى 250 شاقىرىمدى قۇرايدى. 21-22 مامىر كۇندەرى وتەتىن بۇل مارافوندى قازاقستانداعى بۇۇ دامۋ باعدارلاماسى, اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتى «ماra#ON» جۇگىرۋ كلۋبىنىڭ جانە Snow Leopard Foudation حالىقارالىق قورىنىڭ قاتىسۋىمەن ۇيىمداستىرىپ وتىر. بۇل ەكومارافوننىڭ ماقساتى – بيولوگيالىق سانالۋاندىلىقتى, بىرەگەي تابيعات ەسكەرتكىشتەرىن, سەكسەۋىل مەن تورانعىنى, ءىلبىستى ساقتاۋ ماسەلەلەرىنە جۇرتشىلىقتىڭ نازارىن اۋدارتۋ, سالاماتتى ءومىر سالتىن ناسيحاتتاۋ جانە ۇقىپتى ەكولوگيالىق ءتۋريزمدى دامىتۋ.
ەكومارافوندا 20 ادام جۇگىرەدى, سونىڭ ىشىندە مارافون مەن ونىڭ ۇيىمداستىرۋشىلارى العا قويىپ وتىرعان ويدى نەگىزگە سالاتىن «Marat#ON» كلۋبىنىڭ مۇشەلەرى جۇگىرەتىن بولادى. بۇل مارافوننىڭ باستى مىندەتتەرىنىڭ ءبىرى – ءىلبىستىڭ جوعالىپ بارا جاتقانىنا جۇرتشىلىق نازارىن اۋدارتۋ. ءىلبىس حالىقارالىق تابيعات قورعاۋ وداعىنىڭ قىزىل تىزىمىنە جانە قازاقستان, وزبەكستان, قىرعىزستان, تاجىكستان, اۋعانستان, پاكىستان, ءۇندىستان, نەپال, بۋتان, قىتاي, موڭعوليا, رەسەي سىندى ەلدەردىڭ ۇلتتىق قىزىل كىتابىنا ەنگىزىلگەن. 2018 جىلى قازاقستانداعى ءىلبىس تۇقىمىن ساقتاۋ مەن قايتا جەرسىندىرۋدى الدارىنا ماقسات ەتىپ قويعان Snow Leopard Foundation حالىقارالىق جەكەمەنشىك قورى قۇرىلدى. قور بۇل باستامانى قۋانا-قۋانا قولدادى. ءىلبىس - تاۋەلسىز قازاقستاننىڭ نىشانى, الايدا, ءبىزدىڭ ەلدەگى ونىڭ پوپۋلياتسياسى وتە ازايىپ كەلەدى. سوڭعى 16 جىلدىڭ وزىندە ىلبىستەر سانى 20 پايىزعا كەمىگەن. ونىڭ الەمدىك پوپۋلياتسياسىنىڭ 3 پايىزى قازاقستان ۇلەسىنە تيەسىلى, بۇل شامامەن 110-130 ءىلبىستى قۇرايدى. حالىقارالىق بيولوگيالىق سانالۋاندىلىق قۇنىنە وراي ۇيىمداستىرىلعان بۇل مارافون قازاقستاننىڭ بىرەگەي تابيعاتى مەن سۇلۋ جانۋارلارىن كەلەشەك ۇرپاققا ساقتاۋمەن بايلانىستى جاھاندىق مىندەتتى جۇرتشىلىق ەسىنە سالماق», - دەپ اتاپ ءوتتى بۇل قوردىڭ ديرەكتورى ەرجان ەركىنباەۆ.
ايقايقۇمدا باستالعان مارافون شارىن ارالىعىندا جالعاسىپ, ەكى كۇنگە ۇلاسادى. بۇل دودانى دۇبىرلەتىپ باستاپ جۇرگەن «Marat#ON» جۇگىرۋ كلۋبىنىڭ نەگىزىن قالاۋشى, حالىقارالىق ساناتتاعى سپورت شەبەرى, گيننەس رەكوردتار كىتابىنىڭ جەتى دۇركىن رەكوردشىسى مارات جىلانباەۆ باۋىرىمىز.
قۇمدى جول مارافونشى جىگىت-قىزدارعا بيىكتەن كورىنۋىنە باستاي بەرسىن. قۇم جيەگىندە سەكسەۋىل مەن توراڭعى ءبۇر جارىپ كەلەدى. شىركىن, كۇندەردىڭ كۇنى ءىبىلىس تە ويناق سالار دەپ تىلەدىك.
ساپارباي پارمانقۇل,
«Egemen Qazaqstan»
الماتى
