كەڭەس بارىسىندا تسيفرلىق ەكونوميكا مەن زاتتار ينتەرنەتىن دامىتۋ ءۇشىن مۇمكىندىكتەردى كەڭەيتۋگە جاڭا تەحنولوگيانى ەنگىزۋدىڭ ىقپالى تالقىلاندى (IoT).
قر ۇكىمەتىنىڭ باسشىسى بەرىلەتىن دەرەكتەردىڭ اعىمىنىڭ جىلدامدىعى مەن وتكىزگىشتىك قابىلەتىن ارتتىرۋ تكش, اۋىل شارۋاشىلىعى, ونەركاسىپ, دەنساۋلىق ساقتاۋ سالالارىندا جوبالاردى ىسكە اسىرۋدا تەلەمەديتسينانى دامىتۋ, Smart City كومپونەنتتەرىن ەنگىزۋ, حالىقتىڭ قاۋىپسىزدىگىن قامتاماسىز ەتۋ بويىنشا جۇمىستاردىڭ تيىمدىلىگىن ارتتىرۋ, ت.ب. تۇرعىسىنان سالماقتى سەرپىن بەرەتىنىن باياندادى.
قر تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ مالىمەتتەرىنشە, قازاقستان اقش, وڭتۇستىك كورەيا, شۆەيتساريا, ەستونيا ەلدەرىمەن قاتار جاڭا جەلىنى ەنگىزۋدى پيلوتتاۋعا كوشكەن الەم ەلدەرىنىڭ وندىعىنا كىرەدى.
ەل اۋماعىن 5G قامتۋ ءۇشىن ينفراقۇرىلىم جاساۋ بويىنشا جۇمىستار اياسىندا وسى جىلدىڭ سوڭىنا دەيىن نۇر-سۇلتان, الماتى, شىمكەنت قالالارىندا پيلوتتىق جوبانى ىسكە اسىرۋ جوسپارلانعان. جالپى, 5G بايلانىس جەلىسىمەن ادامدار سانى 50 مىڭنان اساتىن بارلىق ەلدى مەكەن قامتىلادى دەپ كۇتىلۋدە.
تالقىلاۋ قورىتىندىسى بويىنشا قر پرەمەر-ءمينيسترى اسقار مامين قازاقستاندا 5G ەنگىزۋ بويىنشا شارالار جوسپارىن ازىرلەۋدى تاپسىردى.
كەڭەسكە قر تسيفرلىق دامۋ, قورعانىس جانە اەروعارىش ونەركاسىبى ءمينيسترى ا. جۇماعاليەۆ, قر يندۋستريا جانە ينفراقۇرىلىمدىق دامۋ ءمينيسترى ر. سكليار, «قازاقتەلەكوم» اق باسقارما توراعاسى ق. ەسەكەەۆ جانە ت.ب. قاتىستى.
