وسكەمەندەگى وبلىستىق حاليفا التاي مەشىتى رامازان ايىندا «رامازان اتا» اتتى يگى جوبانى قولعا الدى. جوبا اياسىندا «رامازان اتا بازارلىعى» اتاۋىمەن الەۋمەتتىك تۇرعىدان از قامتىلعان جاندارعا, جاعدايى تومەن, كوپبالالى وتباسىلارعا سىيلىقتار تاراتىلۋدا.
وسكەمەندەگى وبلىستىق حاليفا التاي مەشىتى رامازان ايىندا «رامازان اتا» اتتى يگى جوبانى قولعا الدى. جوبا اياسىندا «رامازان اتا بازارلىعى» اتاۋىمەن الەۋمەتتىك تۇرعىدان از قامتىلعان جاندارعا, جاعدايى تومەن, كوپبالالى وتباسىلارعا سىيلىقتار تاراتىلۋدا. «رامازان ايىن جۇرتشىلىق اراسىندا كەڭىنەن ناسيحاتتاۋ ماقساتىندا وسىنداي تاعىلىمدى جوبانى جۇزەگە اسىرىپ جاتىرمىز. اتا - ۇلتىمىزدىڭ تانىمىندا بەرەكەتتىڭ, جاقسىلىقتىڭ, يگىلىكتىڭ بەلگىسى. اياز اتاعا بالاما رەتىندە وسىنداي رامازان اتالار شىعىپ, باتا بەرىپ, بازارلىق ۇلەستىرىپ جۇرسە قانداي جاراسىمدى بولار ەدى. جوبا شەڭبەرىندە رامازان اتا قالاداعى مۇمكىندىگى شەكتەۋلى بالالارعا ارنالعان مەكتەپ-ينتەرناتقا, ارداگەرلەر ۇيىنە بارىپ, بازارلىقتارىن ۇلەستىردى. الداعى ۋاقىتتا ءوڭىردىڭ اۋدان-اۋىلدارىن ارالاماق ويدا. قاسيەتتى ايدا ءبىزدىڭ مەشىتتە كۇن سايىن 400-500 ادامعا اۋىزاشار بەرىلىپ جاتىر. اۋداندىق مەشىتتەردە دە اۋىزاشار بەرىلۋدە. جالپى, ورازا باستالعالى مەشىت تاراپىنان 300 وتباسىعا قايىرىمدىلىق كومەك كورسەتىلدى», - دەيدى قازاقستان مۇسىلماندارى ءدىني باسقارماسىنىڭ وسكەمەن ايماعى بويىنشا وكىل يمامى ەرمەك قاجى مۇقاتاي.
وسكەمەن
