قر يدم دەرەكتەرىنە سايكەس, ەلىمىزدە قازىرگى تاڭدا 12 اەا جانە 23 يا قۇرىلىپ, جۇمىس ىستەپ تۇر.
يندۋستريا جانە ينفراقۇرىلىمدىق دامۋ ءمينيسترى ر. سكليار بارلىق اەا ينفراقۇرىلىمىنىڭ قۇرىلىسىنا بيۋدجەت شىعىندارى 314,3 ملرد تەڭگەنى, بۇل رەتتە تارتىلعان ينۆەستيتسيا كولەمى 910 ملرد تەڭگەنى قۇراعانىن ايتتى. ياعني, اەا ينفراقۇرىلىمىنا سالىنعان 1 بيۋدجەت تەڭگەسى 2,8 تەڭگە جەكە ينۆەستيتسيا تارتۋعا جول بەردى.
«ارنايى ەكونوميكالىق ايماق اۋماقتارىندا بارلىعى 183 جوبا ىسكە قوسىلدى, ولاردىڭ ىشىندە شەتەلدىك قاتىسۋمەن 46 جوبا بار. 15,5 مىڭ جۇمىس ورنى قۇرىلدى. بيۋدجەتكە سالىق تۇرىندە شامامەن 150 ملرد تەڭگە قايتارىلدى», دەدى ر. سكليار.
يندۋستريالىق ايماقتاردا ينۆەستيتسيالار كولەمدەرى شامامەن 183 ملرد تەڭگەنى قۇرايتىن 168 ءوندىرىس ىسكە قوسىلدى. 8,5 مىڭنان اسا جۇمىس ورنى قۇرىلدى. بۇل رەتتە, يندۋستريالىق ايماق ينفراقۇرىلىمىنا 85,9 ملرد تەڭگە سالىندى. وسىلايشا, سالىنعان 1 بيۋدجەت تەڭگەسى 2,1 تەڭگە ينۆەستيتسيا تارتتى.
ر. سكلياردىڭ مالىمدەۋىنشە, 2021 جىلعا قاراي اەا اۋماقتارىندا 2 ترلن تەڭگەدەن اساتىن سوماعا 147 جوبا ىسكە اسىرىلاتىن بولادى. 2019 جىلى شامامەن 1200 جاڭا جۇمىس ورنىن قۇرا وتىرىپ, 160 ملرد تەڭگەدەن اسا سوماعا 36 جوبا ىسكە قوسىلادى.
يندۋستريالىق ايماق اۋماقتارىندا 2021 جىلعا قاراي 520 ملرد تەڭگە سوماسىنا 173 جوبا ىسكە قوسىلاتىن بولادى. ولاردىڭ ىشىندە اعىمداعى جىلى جالپى سوماسى 163 ملرد تەڭگەگە 40 جوبا ىسكە اسىرىلاتىن بولادى.
ەنەرگەتيكا ۆيتسە-ءمينيسترى ءا. ماعاۋوۆ, ءوز كەزەگىندە, «ۇلتتىق يندۋستريالىق مۇناي-حيميا تەحنوپاركى» اەا دامىتۋ تۋرالى باياندادى. 2019 جىلدىڭ 1 مامىرىنداعى جاعداي بويىنشا ارنايى ەكونوميكالىق ايماقتى ىسكە قوسقان ساتتەن باستاپ 10,1 ملرد تەڭگەگە ءونىم ءوندىرىلدى, 2 600 جۇمىس ورنى قۇرىلدى.
اەا ىسكە اسىرىلىپ جاتقان نەگىزگى جوبالار — پوليپروپيلەن مەن پوليەتيلەن ءوندىرىسى. ونىڭ جالپى قۇنى $9 ملرد قۇرايدى. وسى ەكى جوبانىڭ ءجىو ۇلەسى 1,5% قۇرايدى. بۇدان وزگە ارنايى ەكونوميكالىق ايماقتا جەكە ينۆەستورلاردىڭ پوليەتيلەنتەرەفتالات, مەتانول جانە تسيكلوگەكسان ءوندىرىسى جوبالارىن ىسكە اسىرۋى كۇتىلۋدە. ولار قازىر پىسىقتالۋدا.
بۇل جوبالار شامامەن $2,5 ملرد كولەمىندە ينۆەستيتسيانى تارتادى. قۇرىلىس كەزەڭىندە 10 000-عا دەيىن جانە پايدالانۋ كەزەڭىندە 1 500 جۇمىس ورنى قۇرىلاتىن بولادى.
ارنايى ەكونوميكالىق ايماقتاردىڭ جۇمىسىنداعى «سامۇرىق-قازىنا» قورىنىڭ جۇمىسى تۋرالى «سامۇرىق-قازىنا» ۇاق» اق باسقارۋشى ديرەكتورى ءا. پىرمەتوۆ باياندادى. ونىڭ ايتۋىنشا, 2016 جىلى قازاندا «قورعاس – شىعىس قاقپاسى» اەا ينفراقۇرىلىمىنىڭ بارلىق 68 نىسانى پايدالانۋعا بەرىلدى, 2015 جىلى شىلدەدە «قورعاس» اەا قۇرعاق پورتى پايدالانىلا باستادى. 2015 جىلدىڭ 29 شىلدەسىنەن باستاپ 2019 جىلدىڭ 1 مامىرى ارالىعىندا قۇرعاق پورتتا جفە (جيىرما فۋتتىق ەكۆيۆالەنتىندە) 317,4 مىڭ كونتەينەر وڭدەلدى. 2018 جىلى «قورعاس – شىعىس قاقپاسى» اەا-دا 9,3 ملرد تەڭگەدەن استام جەكە ينۆەستيتسيالار يگەرىلدى.
«سامۇرىق-قازىنا» ۇلتتىق ءال-اۋقات قورىنىڭ باسقارما توراعاسى ا. ەسىموۆ قوردىڭ ينفراقۇرىلىم قۇرىلىسىن نەگىزگى جۇرگىزۋشى ەكەنىن اتاپ ايتتى. قۇرىلىستى ءبىر جىل بۇرىن - 2020 جىلدىڭ سوڭىندا اياقتاۋ كوزدەلگەن. «حيمپارك تاراز» اەا بويىنشا 7 جىلدا 30 ملرد تەڭگە يگەرىلدى, ونىڭ ىشىندە 8 ملرد تەڭگە وتكەن جىلى يگەرىلدى. وسى يندۋستريالىق ايماقتى باسقا جوبالارمەن تولىقتىرۋ مىندەتى تۇر.
سونىمەن قاتار باسقارۋىندا ارنايى ەكونوميكالىق جانە يندۋستريالىق ايماقتار بار بىرقاتار وڭىرلەر تىڭدالدى. وڭىرلەردە اەا پەن يا قازىرگى دامۋى تۋرالى شىمكەنت ق. اكىمى ع. ءابدىراحىموۆ, قوستاناي وبلىسىنىڭ اكىمى ا. مۇحامبەتوۆ, جامبىل وبلىسىنىڭ اكىمى ا. مىرزاحمەتوۆ باياندادى.
پرەمەر-ءمينيستردىڭ ورىنباسارى ج. قاسىمبەك ءبىر اي بۇرىن ارنايى ەكونوميكالىق جانە يندۋستريالىق ايماقتار تۋرالى زاڭعا مەملەكەتتىك قولداۋ شارالارىن الۋ راسىمدەرىن جەڭىلدەتەتىن, سويتە وتىرىپ, باسقارۋشى كومپانيالارعا قويىلاتىن تالاپتاردى كۇشەيتەتىن بىرقاتار وزگەرىستەر ەنگىزىلگەنىن اتاپ ايتتى. بۇل باعىتتاعى جۇمىستار جالعاستىرىلاتىن بولادى.
