«دايىن ينفراقۇرىلىمى مەن ءتۇرلى جەڭىلدىكتەرى بار ارنايى ەكونوميكالىق جانە يندۋستريالىق ايماقتار – جەكە ينۆەستيتسيالار تارتۋعا ارنالعان جاقسى الاڭ», — دەدى اسقار مامين.
بۇگىنگى تاڭدا 12 ارنايى ەكونوميكالىق ايماق اۋماعىندا 910 ملرد تەڭگە ينۆەستيتسيالار كولەمىمەن 183 جوبا ىسكە اسىرىلعان, ال 24 يندۋستريالىق ايماقتا 168 جوبانى ىسكە اسىرۋ اياسىندا 183 ملرد تەڭگە ينۆەستيتسيالار سالىندى, 8,5 مىڭ جۇمىس ورنى قۇرىلدى. 1 ترلن-نان استام تەڭگە جەكە ينۆەستيتسيالاردان تارتىلدى, ولاردىڭ ىشىندە كاپيتالدىڭ تورتتەن ءبىرى — شەتەلدىك كومپانيالاردىڭ قاتىسۋىمەن. 2021 جىلعا دەيىن اەا مەن يا اۋماقتارىندا 11,5 مىڭ جۇمىس ورنىن قۇرۋمەن 2,5 ترلن-نان استام تەڭگەگە 318 جوبانى ىسكە قوسۋ كوزدەلگەن.
ارنايى ەكونوميكالىق جانە يندۋستريالىق ايماقتاردى باسقارۋدا نۇر-سۇلتان, شىمكەنت قالالارى, الماتى جانە پاۆلودار وبلىستارى اكىمدىكتەرىنىڭ وڭ تاجىريبەسى بەلگىلەنگەن. ماسەلەن, «وڭتۇستىك» اەا 1 بيۋدجەتتىك تەڭگەگە 15,5 تەڭگە جەكە ينۆەستيتسيا تارتىلعان. ءوز كەزەگىندە, «وڭتۇستىك» يا اۋماعى تولىقتاي يگەرىلگەن: 38,6 ملرد تەڭگەگە 55 جوبا ىسكە قوسىلعان. «پاۆلودار» اەا-دا 1 بيۋدجەتتىك تەڭگەگە 12 تەڭگەدەن استام ينۆەستيتسيا تارتىلدى. «استانا – جاڭا قالا» اەا-دا بۇكىل جۇمىس ىستەگەن ءوندىرىستىڭ كولەمى 1,4 ترلن تەڭگەدەن استام بولىپ وتىر. 2018 جىلى «قورعاس–شىعىس قاقپاسى» اەا-دا 9,3 ملرد تەڭگەدەن استام جەكە ينۆەستيتسيالار يگەرىلدى.
قر ۇكىمەتىنىڭ باسشىسى اتاپ وتكەندەي, جۇيەلى نەگىزدە جاڭا جوبالار مەن ينۆەستيتسيالاردى تارتۋ جۇمىستارىن جۇرگىزىپ, جۇمىس ورىندارىن قۇرۋ قاجەت. بۇل ءۇشىن وڭىرلەرگە اەا مەن يا-عا تابىستى حالىقارالىق تاجىريبەلەرى بار كاسىپتىك باسقارۋشى كومپانيالاردى تارتۋ قاجەت.
پرەمەر-مينيستر ايماقتاردى باسقارۋ مەن جۇمىس تيىمدىلىگىن ارتتىرۋ ماقساتىندا ءساتتى جانە پەرسپەكتيۆالىق ايماقتاردى باسىمدىقپەن قارجىلاندىرۋ بويىنشا كريتەريلەردى ازىرلەۋدى تاپسىردى. ءوز كەزەگىندە, وڭىرلەردىڭ اكىمدىكتەرى اەا-عا جوبالاردى قوسۋ كەزىندە جوعارى قوسىلعان قۇنى مەن ەكسپورتقا باعدارلانعان وندىرىستەرگە باسا نازار اۋدارۋ قاجەت.
جاڭا زاڭناما بويىنشا ينۆەستورلار مەن باسقارۋشى كومپانيالار ءۇشىن راسىمدەر جەڭىلدەتىلدى. قر ۇكىمەتىنىڭ باسشىسى اتاپ وتكەندەي, جەكە ينۆەستيتسيالار اعىمىن ودان ءارى قامتاماسىز ەتۋ ءۇشىن جۇمىستى «ءبىر تەرەزە» قاعيداسى بويىنشا ۇيىمداستىرۋ كەرەك.
ماسەلەنى قاراۋدى قورىتندىلاي وتىرىپ, قر پرەمەر-ءمينيسترى ۇشجىلدىق مەرزىمگە جەكەلەگەن اەا جانە يا دامىتۋ ستراتەگيالارىن ازىرلەۋدى تاپسىردى.
«ارنايى ەكونوميكالىق جانە يندۋستريالىق ايماقتار وڭىرلەر ەكونوميكاسىنىڭ ءوسۋ نەگىزىنە اينالۋى كەرەك, — دەپ اتاپ ايتتى اسكار مامين. — بۇل ءۇشىن ناقتى ۇيلەستىرىلگەن جۇمىس پەن ساپالى جوبالار قاجەت».
