رۋحانيات • 21 مامىر، 2019

كەنتاۆر اقىننىڭ كوركەم الەمى

837 رەتكورسەتىلدى

قازاقتىڭ قارا ولەڭىندە وزىندىك قولتاڭباسى قالىپتاسقان اتاقتى اقىن، قازاقستاننىڭ ەڭبەك سىڭىرگەن قايراتكەرى مارالتاي رايىمبەكۇلى بيىل 50 جاسقا تولىپ وتىر.

توقسانىنشى جىلدارى ادەبيەتكە كەلگەن شايىر ءوزىنىڭ «اي-نۇر» اتتى ولەڭدەر جيناعىنان باستاپ وسى كۇنگە دەيىن وقىرمانعا «اي»، «كەنتاۆر»، «قاراتاۋ عازالدارى»، «اساۋ» سىندى بىرنەشە پوەزيالىق كىتاپتارىن بەردى. ونىڭ شىعارمالارى شەرحان مۇرتازا، تۇمانباي مولداعاليەۆ، فاريزا وڭعارسىنوۆا، ءاسانالى ءاشىموۆ، نەسىپبەك ءداۋتايۇلى، ەسەنعالي راۋشانوۆ سياقتى ادەبيەت جانە ونەر قايراتكەرلەرى تاراپىنان وڭ باعالانىپ، وقىرماننىڭ ىزدەپ ءجۇرىپ وقيتىن تۋىندىلارىنا اينالدى.

جامبىل وبلىستىق ىشكى ساياسات باسقارماسىنىڭ ۇيىمداستىرۋىمەن وبلىستىق قازاق دراما تەاترىندا اقىن مارالتاي رايىمبەكۇلىنىڭ مەرەيتويىنا وراي «جۇلدىز اتتاس جالعىز شاھار جەردەگى» اتتى شىعارماشىلىق كەشى ءوتتى. كونە تاراز تورىندە وتكەن شايىر كەشىنە ەلىمىزدىڭ ءتورت قۇبىلاسىنان ءسوز ۇستاعان سۇلەيلەر قاتىسىپ، جۇرتشىلىقپەن قاۋىشتى. كەش تىزگىنىن تانىمال جىراۋ، «دارىن» مەملەكەتتىك جاستار سىيلىعىنىڭ لاۋرەاتى بەرىك ءجۇسىپ ۇستاپ، مارالتاي اقىننىڭ بولمىسى مەن شىعارماشىلىعى تۋرالى كورەرمەنگە كوركەم تىلدە ايتىپ بەردى. اقىن كەشىنە ارنايى كەلگەن جامبىل وبلىسىنىڭ اكىمى اسقار مىرزاحمەتوۆ مارالتاي رايىمبەكۇلى شىعارماشىلىعى قازاق ادەبيەتىنىڭ ەلەۋلى تابىسى ەكەنىن، ءاردايىم اقىن شىعارماشىلىعى جاستارعا ونەگە بولاتىنىن جەتكىزىپ، قازاقى سالتپەن سىي-سياپات جاسادى.

بۇدان كەيىن قازاقستان جازۋشىلار وداعى باسقارماسى ءتوراعاسىنىڭ ورىنباسارى، جازۋشى مەرەكە قۇلكەنوۆ، قازاقستاننىڭ ەڭبەك سىڭىرگەن قايراتكەرى، اقىن سەرىك اقسۇڭقارۇلى، مەملەكەتتىك سىيلىقتىڭ يەگەرى، اقىن تىنىشتىقبەك ابدىكاكىمۇلى، مەملەكەتتىك سىيلىقتىڭ يەگەرى، اقىن ەسەنعالي راۋشانوۆ، اقىن باۋىرجان قارابەك، پرەزيدەنتتىك ستيپەنديانىڭ يەگەرى، اقىن سۆەتقالي نۇرجان جانە قازاقستاننىڭ ەڭبەك سىڭىرگەن قايراتكەرى، جازۋشى نەسىپبەك ءداۋتايۇلى سىندى ادەبيەت مايتالماندارى بىرىنەن سوڭ ءبىرى ءسوز الىپ، مارالتاي اقىننىڭ بىرەگەي بولمىسىنا بويلاپ، شىنايى شىعارماشىلىعىنا توقتالدى. قاراعاندىلىق سەرىك اقسۇڭقارۇلى، الماتىلىق باۋىرجان قارابەك، ماڭعىستاۋلىق سۆەتقالي نۇرجان ولەڭ وقىپ، كورەرمەندى كوركەم ءسوز ونەرىنە قانىقتىردى. سونىمەن قاتار، كەش بارىسىندا ايگۇل ماقاشەۆا، سۇلۋجان ابەنوۆا، ابەن شالقارباەۆ سىندى تانىمال ونەرپازدار ءان شىرقاپ، اۋليەاتا اسپانىن انگە بولەدى.

 ؛كەش سوڭىندا ساحناعا مارالتاي رايىمبەكۇلى كوتەرىلىپ، جىردان شاشۋ شاشتى. تۋعان جەر توپىراعىندا ارقالانىپ ولەڭ وقىدى. سونىمەن قاتار، اقىن ءوز سوزىندە تىلەكتەس بولعان بارشا ازاماتتارعا العىسىن ايتىپ، اۋليەاتا جەرىنە ارنايى قوناق بولىپ كەلگەن اقىندار مەن جازۋشىلاردىڭ مايلى بوياۋمەن سالىنعان پورترەتتەرىن سىيعا تارتتى.


جامبىل وبلىسى

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

ۇقساس جاڭالىقتار