اڭگىمەلەسۋ بارىسىندا قازاقستانداعى كەزەكتەن تىس وتكىزىلەتىن پرەزيدەنت سايلاۋىنا قاتىستى ەۋروپا قاۋىپسىزدىك جانە ىنتىماقتاستىق ۇيىمى دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ ميسسياسى جۇرگىزەتىن مونيتورينگ ماسەلەلەرى تالقىلاندى.
مەملەكەت باسشىسى الداعى سايلاۋدىڭ زاڭناماعا سايكەس اشىق جانە ءادىل وتەتىنىن اتاپ ءوتتى.
ۋرشۋلا گاتسەك قاسىم-جومارت توقاەۆقا كەزدەسكەنى ءۇشىن العىس ايتىپ, حالىقارالىق باقىلاۋشىلار قىزمەتىنىڭ باستالعانى جونىندە مالىمدەدى. سونىمەن قاتار, ەۋروپا قاۋىپسىزدىك جانە ىنتىماقتاستىق ۇيىمى دەموكراتيالىق ينستيتۋتتار جانە ادام قۇقىقتارى جونىندەگى بيۋروسى ميسسياسىنىڭ وكىلدەرى سايلاۋ ۇدەرىسىنە مونيتورينگ جۇرگىزۋگە كىرىسكەنىن جانە قازاقستاننىڭ بارلىق وڭىرلەرىندە بەلسەندى جۇمىس ىستەپ جاتقانىن ايتتى.
