ەگەر كۇندەردىڭ ءبىر كۇنىندە قاتە جازۋدان كەسىرلى كونكۋرس وتكىزىلە قالسا, كوكشەتاۋ ءبايگەنى شاپپاي الاتىن سىڭايى بار. قازاق ءتىلىنىڭ كىرپىگى ازەر قيمىلداپ تۇرعان قالادا قاتە جازۋ بىلاي تۇرسىن, ساي-سۇيەگىڭدى سىرقىراتىپ, قورلاۋ دا بار. ءسوز ءلامىن مىسالمەن شەگەلەگەن دۇرىس. شاعىن قالانى قاق جارىپ وتەتىن ءۋاليحانوۆ كوشەسىنىڭ بويىندا بۋى بۇرقىراعان اسحانا تۇر. تەك اتاۋىنا كوزىڭ تۇسسە, تابەتىڭ تارتپاي قالادى. اش وزەگىڭ ءۇزىلىپ بارا جاتسا دا, اس ىشە الماس ەدىڭىز. ويتكەنى, اسحانانىڭ اتاۋى «بەشبارماق». قاسىق-شانىشقى ۇستاپ كورمەگەن جەرگىلىكتى جۇرت الدىنداعى اسىن بەس بارماعىمەن جەيدى دەگەن ماعىنادا. اسىمىزدى ءىشىپ, اياعىمىزعا تۇكىرگەن دەگەن وسى ەمەس پە؟ نيەت ءتۇزۋ بولسا, اسحاناعا اتاۋ بولۋعا جارايتىن ءسوز تولىپ جاتقان جوق پا؟!
جىلجىمايتىن جارناماداعى جاي ادام توزگىسىز. ال قالىڭ ەلدى جاعالاپ ءجۇرىپ, كوزدەرىنە شۇقىپ كورسەتەتىنى دە بار ەكەن. بۇل - اۆتوبۋس قابىرعاسىنداعى ايالدامالاردىڭ اتاۋى جازىلعان شاعىن تاقتايشا. ءبىر باعىتتاعى 16 ايالدامانىڭ جارتىسىنان استامى قاتە تۇر. ماسەلەن, «سۇڭقار» – «سۇنقار», «اۋەلبەكوۆ» – «اۋەلبەكوۆ», «تاشەنوۆ» – «تاشەنوۆ» بولىپ جازىلعان.
ءتىل تۋرالى تۇيتكىل بۇگىن عانا ءتۇيىلىپ وتىرعان جوق. وتكەن جىلى وبلىس ورتالىعىندا قالالىق مادەنيەت جانە تىلدەردى دامىتۋ ءبولىمىنىڭ ارالاسۋىمەن, حالىق كوپ جۇرەتىن جەرلەردەگى جارنامالاردان 800-دەن استام قاتە انىقتالىپ, 352-ءسى تۇزەتىلگەن ەكەن. ۇستىمىزدەگى جىلدىڭ ەكىنشى توقسانىندا 575 قاتە انىقتالىپ, قازىر ساۋاتتى قالىپقا تۇسىرىلۋدە.
– بۇل سوراقىلىقتان لاتىن ءالىپبيى قولدانىسقا ەنگىزىلگەننەن كەيىن قۇتىلامىز, – دەيدى قالا تۇرعىنى رامازان اباەۆ. – لاتىن ءالىپبيىنىڭ سوڭعى نۇسقاسى بەكىتىلگەننەن كەيىن عيماراتتاردىڭ سىرتىنداعى, بىرقاتار كوشەدەگى قازاق تىلىندەگى جارنامالار لاتىن گرافيكاسىمەن جازىلا باستادى. ەندىگى ارادا وسىعان مۇقيات بولساق, ءتىلىمىزدىڭ كوسەگەسى كوگەرىپ, قاتەدەن ارىلار ەدىك.
كوكشەتاۋ
