رۋحانيات • 20 مامىر، 2019

جاڭعىرىق جايلى حيكايا

726 رەت كورسەتىلدى
بىردە كوپتى كورگەن، كوكىرەگى داريا قارت اتاسىنان نەمەرەسى «ابزال اتاشىم، جاقسى مەن جا­ماننىڭ ايىرماسى قانداي؟» دەپ سۇراپتى. جاس جەتكىنشەكتىڭ ساۋالىنا تاڭدانعان كوشەلى اق­ساقال ونى جەتەكتەپ، اۋىل ما­ڭىنداعى جارتاستى بيىك تاۋ­دىڭ ەتەگىنە اكەلىپ،  «ال بالام مىنا تاۋمەن امانداس» دەيدى. بالا بارىنشا داۋىسىن كوتەرىپ «اسسالاۋماعالەيكۋم» دەسە، الگى جارتاستى تاۋ دا جاڭعىرىعىپ ونىڭ سالەمىن سوزبە-ءسوز وزىنە قايتالايدى. بالا ماسەلەنىڭ بايىبىنا تەرەڭدەي الماي اتاسىنا تاڭدانا قارايدى. جىلى جىميعان اقساقال وعان «ەندى سەن مىنا تاۋعا «اقىماقسىڭ» دەپ ايعايلا» دەيدى. بالا تۋرا سولاي ىستەيدى. جاڭعىرىق تا «اقى­ماقسىڭ» دەپ بالانىڭ ءسوزىن قايتالايدى.

سوندا قاريا: «كوردىڭ بە، بالام، جاقسىلىق پەن جاماندىقتىڭ ايىرماسى مىنا جاڭعىرىق سياق­تى جاقسى ءسوز ايتىپ، جاقسى ءىس ىستەسەڭ ول ساعان جاقسىلىق بولىپ قايتادى، جامان ءسوز  ايتىپ، جامان ءىس اتقارساڭ ول ساعان جامان­دىق بولىپ قايتادى» دەپتى دە، ءسوزىن ءارى قاراي جالعاپ: 

– بىردە مۇحاممەد پايعام­بارعا ءدىن دۇشپاندارى كەلىپ «سەن جامان ادامسىڭ، اناۋسىڭ، مىناۋسىڭ» دەپ تىلدەيدى. پايعام­بارىمىز (س.ا.س) ولاردىڭ ءسوزىن ماقۇلداپ «ءيا، ءيا» دەي بە­رىپتى. باسقا قارسى ەشتەڭە ايت­­پاپ­تى. الگى ادامدار كەتكەن سوڭ قاسىنداعى ساحابالار: «ۋا، اللانىڭ ەلشىسى، ءسىز ولار ايتقانداي جامان ادام ەمەسسىز. ارداقتى جانسىز، ادىلەتتى سۇيەسىز، مەيىرىمدىلىكتى ۇستاناسىز» دەيدى. ادامزاتتىڭ ارداقتىسى ولارعا دا ەشتەڭە دەمەي «ءيا، ءيا» دەپ وتىرا بەرىپتى. اڭ-تاڭ بولعان ساحابالار «ءسىز ءوزىڭىزدى تىلدەگەندەرگە دە «ءيا» دەدىڭىز، بىزگە دە «ءيا» دەدىڭىز. بۇل قالاي بولعانى؟» دەپ سۇرايدى.  سوندا اللانىڭ ەلشىسى: (س.ا.س) «كىمنىڭ اۋزىنان قانداي ءسوز شىقسا، دەمەك ونىڭ ءوزى سونداي» دەگەن ەكەن.

قۇرمەتتى نەمەرەم، ساعان ايتارىم: ءبىر ادام تۋرالى جامان پىكىر ايتپاي تۇرىپ ويلان. ويتكەنى كىمدە-كىم ادامدار جايلى جاقسى سويلەسە، ول ادامنىڭ ءوزى دە جاقسى. ال كىمدە-كىم ادامداردى ۇنەمى جامانداپ وتىرسا، ءبىلىپ قوي، ونىڭ ءوزى سونداي پەندە بولعانى. وسى ءسوزىمدى ماڭگى ەسىڭە ساقتاعايسىڭ!
سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار