الەم • 17 مامىر، 2019

ءوزارا سەرىكتەستىكتىڭ جاڭا مۇمكىندىكتەرى

773 رەت كورسەتىلدى

ەۋروپالىق وداق ورتالىق ازيا ەلدەرىمەن ارىپتەستىككە قاتىستى ءوزىنىڭ جاڭا كوزقاراسىن ايقىنداپ، 2007 جىلى العاش رەت قابىلدانعان ايماقتىق ستراتەگياسىن جاڭارتپاق.

تاراتا ايتار بولساق، ەۋروپالىق كوميسسيا مەن ەو-نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جاڭارتىلعان بىرلەسكەن مالىمدەمە قابىلداپ، ورتالىق ازيانىڭ بەس ەلىمەن تىعىز ارىپتەستىكتى كۇشەيتۋگە باعىتتالعان جاڭا كوزقاراسىن ۇسىندى. بۇل – ەۋروپا مەن ازيانىڭ ءوزارا ساباق­تاستىعىنىڭ ماڭىزدى كەزەڭىنە جانە ايماقتىق ارىپتەستىكتىڭ جاڭا قار­قىنىنا تۇسپا-تۇس كەلەدى.

«ورتالىق ازيا ءاردايىم ماڭىزدى ايماق بولدى: بۇل ونىڭ تاريحى، مادە­نيەتى جانە شىعىس پەن باتىستى بايلانىستىرۋشى رولىمەن ايقىندالادى. بۇگىن ايماقتىڭ ستراتەگيالىق ماڭى­زى ىشكى جانە ايماقتاعى وڭ ۇردىستەر مەن تىعىز ىنتىماقتاستىقتى تالاپ ەتەتىن جاھاندىق قاۋىپ-قاتەرلەردىڭ جاعدايلارىندا كۇننەن-كۇنگە ارتىپ كەلەدى. تۇراقتىلىق پەن وركەن­دەۋ ءبىزدىڭ ورتالىق ازيامەن ىنتىماق­تاستىعى­مىزدىڭ تىرەگىنە، ءبىزدىڭ ەلدەرىمىزدىڭ مۇددەسىن كوزدەيتىن تۇراقتى دامۋ مەن رەفورما ۇدەرىستەرىنە قوسقان ۇلەسىنە اينالادى»، دەپ اتاپ ءوتتى جوعارعى وكىل/ ۆيتسە-پرەزيدەنت فەدەريكا موگەريني.

وسى ورايدا ەو-نىڭ حالىقارالىق ىنتىماقتاستىق پەن دامۋ جونىندەگى كوميسسارى نەۆەن ميميتسا: «ەۋروپالىق وداق – ورتالىق ازيانىڭ جەتەكشى سەرىكتەسى. جاڭارتىلعان ارىپتەستىك ارقى­لى ءبىز ورتالىق ازياداعى سەرىكتە­ستەر­مەن ىنتىماقتاستىعىمىزدى ايماقتى وركەندەتۋ، تۇراقتىلىعىن ارتتىرۋ مەن ءوزارا بايلانىستارىن ورناتۋعا قوسقان ۇلەسىمىز ارقىلى نىعايتقىمىز كەلەدى»، دەپ مالىمدەدى.

بىرلەسكەن مالىمدەمە ەو-نىڭ بولا­شاق ءىس-قيمىلدارىنىڭ ەكى اسپەكتىسىنە باعىتتالعان: تۇراقتىلىقتى كوزدەيتىن ارىپتەستىك: ورتالىق ازيا ەلدەرىنىڭ ىشكى جانە سىرتقى كۇيزەلىستەرگە توتەپ بەرۋ مەن رەفورمالاردى ءتيىمدى ىسكە اسىرۋ قابىلەتىن ارتتىرۋ; وركەندەۋدى كوزدەيتىن ارىپتەستىك: ەكونوميكالىق جاڭعىرتۋدى قولداۋ، تۇراقتى ءوزارا بايلانىستى ىلگەرىلەتۋ جانە جاستارعا ينۆەستيتسيا سالۋ.

 سونىمەن قاتار ەو ورتالىق ازياداعى ءوزارا ايماقتىق ىنتىماقتاستىقتى دامىتۋ ماقساتىندا ينۆەستيتسيا سالۋعا، ايماقتاعى ەلدەردىڭ اراسىنداعى ديالوگ پەن ىنتىماقتاستىقتى ارتتىرۋعا ۇلەس قوسۋعا نيەتتى.

قازاقستانمەن قول قويىلعان كەڭەيتىل­گەن ىنتىماقتاستىق پەن ارىپتەستىك تۋرالى كەلىسىمگە قوسا، ەو وزبەكستان جانە قىرعىز رەسپۋبليكاسىمەن ۇقساس كەلىسىمشارتتار بويىنشا كەلىسسوزدەر جۇرگىزۋدى جانە ايماققا كورسەتىلگەن دامۋ كومەك قۇرالدارىن بارىنشا ءتيىمدى قولدانۋدى كوزدەيدى.

ەۋروپا مەن ازيانى ءوزارا بايلانىس ستراتەگياسى مەن قولدانىستاعى كەلىسىمدەر شەڭبەرىنە سۇيەنە وتىرىپ، ەۋروپالىق وداق ورتالىق ازيا ەلدەرىمەن تۇراقتى بايلانىس ورناتۋ، نارىق قاعيداتتارىن ساقتاۋ، اشىقتىق قاعيداتىنا كەپىلدىك بەرۋ جانە حالىقارالىق ستاندارتتارعا نەگىزدەلگەن سەرىكتەستىك ورناتۋعا نيەتتى. ىنتى­ماق­تاستىق باعىتتارى كولىك، ەنەرگەتيكا جانە تسيفرلى بايلانىستاردى، سونداي-اق ادامدار اراسىنداعى قاتىناس­تاردى قامتيدى.

ايتا كەتەيىك، 7 شىلدەدە بىشكەك قالا­سىندا وتەتىن ەو-ورتالىق ازيا مينيستر­لەرىنىڭ 15-ءىنشى باسقوسۋىندا ەۋروپا­لىق وداقتىڭ ورتالىق ازيا بو­يىنشا جاڭا ستراتەگياسى رەسمي تۇردە جاريالانادى دەپ كۇتىلۋدە.


سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار