جيىندى اشقان تۇڭعىش پرەزيدەنت - ەلباسى فورۋم بارىسىندا جاھاندىق جانە وڭىرلىك سيپاتتاعى ەڭ وزەكتى ماسەلەلەر تالقىلاناتىندىعىن ايتتى.
«بۇل تاياۋ جىلدارداعى دامۋعا ىقپالىن تيگىزەتىن ستراتەگيالىق ماسەلەلەر. وسى جىلداردىڭ ىشىندە G-Global جوبالارى, ەكولوگيا ماسەلەلەرىن, كەدەيشىلىكپەن كۇرەس, ادامي كاپيتالدى دامىتۋ, جاڭا ەنەرگيانى قوسا العانداعى ماسەلەلەردىڭ كەڭ اۋقىمىن تالقىعا سالدىق. وتكەن جىلى جاھاندىق سىن-تەگەۋىرىندەر ءسامميتىن وتكىزدىك. فورۋم الاڭىندا بۇۇ باس اسسامبلەياسىنىڭ قولداۋىمەن داعدارىسقا قارسى ەكى كونفەرەنتسيا ۇيىمداستىردىق», دەدى تۇڭعىش پرەزيدەنت - ەلباسى نۇرسۇلتان نازارباەۆ.
ەلباسى وسى ۋاقىتقا دەيىن وتكەن فورۋمدار بارىسىندا ايتىلعان ۇسىنىستار مەن قورىتىندىلار قازاقستاننىڭ دامۋىنا وڭ ىقپالىن تيگىزگەندىگىن جەتكىزدى.
«وسى جەردە تالقىلانعان ۇسىنىستار مەن قورىتىندىلار كوپ جاعدايدا قازاقستانعا جاھاندىق سىن-تەگەۋرىندەرگە دەر ۋاقىتىندا ءۇن قاتىسۋعا, قيىندىقتاردى جەڭىستى ەڭسەرۋگە كومەكتەستى. ءبىز وي-پىكىرلەرىمىز بەن ايتقان ۇسىنىستارىمىز وزگە دە وڭىرلەردە پايدالانىلدى دەپ ويلايمىن», دەدى ن.نازارباەۆ.
