لەكتورلىق
توپ قۇرامىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى
ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى, ادەپ
جونىندەگى كەڭەسىنىڭ ءتورايىمى ن.جاننازاروۆا, سىبايلاس جەمقورلىققا قارسى ءىس-قيمىل
ۇلتتىق بيۋروسى ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى
ب.ماحمۋد, وبلىستىق ورتالىق «بەكەت اتا» مەشىتىنىڭ باس يمامى س.سەيىتبەك, وبلىستىق
ارنايى مونيتورينگ توبىنىڭ جەتەكشىسى ا.مانوۆ, «جاڭارۋ» رەسپۋبليكالىق سىبايلاس
جەمقورلىققا قارسى قوزعالىسىنىڭ ماڭعىستاۋ وبلىستىق فيليالىنىڭ جەتەكشىسى,
وبلىستىق ارنايى مونيتورينگ توبى جەتەكشىسىنىڭ ورىنباسارى د.ۇسىپباەۆ, قالالىق
سپورت ۇيىمدارىنىڭ باسشىلارى مەن جاتتىقتىرۋشى قۇرامى كەڭ كولەمدە قاتىستى.
اگەنتتىكتىڭ اۋماقتىق دەپارتامەنتىنىڭ باسشىسى ن.جاننازاروۆا قاتىسۋشىلارعا
زاماناۋي سىبايلاس جەمقورلىققا قارسى زاڭناما تالاپتارىمەن تانىستىرىپ, جەمقورلىق
قۇقىق بۇزۋشىلىقتار ءۇشىن اكىمشىلىك جانە قىلمىستىق جاۋاپكەرشىلىك, تۇرعىندارمەن
كەرى بايلانىس مەحانيزمدەرىن ورناتۋداعى كولل-ورتالىعى مەن شۇعىل جەلىسىنىڭ مۇمكىندىكتەرى, دەپارتامەنتپەن
قوعام وكىلدەرىن تارتۋ ارقىلى جوسپارلانىپ جاتقان سپورت سالاسىنداعى سىبايلاس
جەمقورلىق تاۋەكەلدەرىنە سىرتقى تالداۋ جۇرگىزۋدىڭ ءمان-جايىن بايانداپ, بەلسەندىلىك
تانىتۋعا شاقىردى.
ول سونىمەن بىرگە جاس ۇرپاقتى ادالدىققا تاربيەلەۋ جانە جۇرتشىلىقتىڭ الەۋمەتتىك جاۋاپكەرشىلىگىن كوتەرۋ ماقساتىندا وڭىرىمىزدە اشىلعان «ادالدىق دۇكەندەرىنە» توقتالىپ ءوتتى. وبلىستا اشىلعان 106 دۇكەن تەك وقۋ ورىندارىندا عانا ەمەس, سونىمەن بىرگە اقتاۋ قالالىق پوليتسيا باسقارماسىندا, ارنايى حالىققا قىزمەت كورسەتۋ ورتالىعىندا جانە حالىقارالىق اۋەجايدا وزىنە-ءوزى قىزمەت كورسەتۋ قاعيداتىمەن جۇمىس جاساپ تۇر. دەپارتامەنت باسشىسى وسىنداي كرەاتيۆتى تاجىريبەنى سپورتتىق مەكەمەلەردى قامتي وتىرىپ جالعاستىرۋ قاجەت دەگەن ۇسىنىسىن ءبىلدىردى.
ۇلتتىق بيۋرو اۋماقتىق دەپارتامەنتى باسشىسىنىڭ ورىنباسارى ب.ماحمۋد جەمقورلىق سياقتى قوعام دەرتىنە «جۇمىلا كوتەرگەن جۇك جەڭىل» دەگەندەي ءبىر جۇدىرىقتاي جۇمىلىپ قانا قارسى تۇرۋعا بولاتىندىعىن, سپورت سالاسىندا جەمقورلىققا يتەرمەلەيتىن فاكتورلاردىڭ ءبىرى سپورتشىلاردىڭ جالاقىسى تومەندىگى ەكەندىگىن, ۋاكىلەتتى ورگاننىڭ ەڭ باستى ماقساتى جازالاۋ ەمەس, كەرىسىنشە قىلمىستىڭ پرەۆەنتسياسى ەكەندىگىن ناقتىلادى.
ءوز كەزەگىندە وبلىستىڭ باس يمامى س.سەيىتبەك پاراقورلىقتىڭ شاريعاتتاعى ۇكىمى, قۇران جانە سۇننەتكە قايشى كەلەتىن پارا الۋ, پارا بەرۋ, ەكى ورتادا دانەكەر بولۋ سياقتى ءىس-ارەكەتتەردىڭ اۋىر زارداپتارىن بايانداپ, ادال ەڭبەكپەن عانا تابىلعان دۇنيە-م ۇلىكتىڭ بەرەكەلى بولاتىنىن جەتكىزدى.
قوعام بەلسەندىسى ا.مانوۆ وبلىستىق ارنايى مونيتورينگ توبىنىڭ سىبايلاس جەمقورلىققا قارسى ءىس-قيمىلداعى ماقساتى مەن مىندەتتەرىن ءتۇسىندىرىپ وتسە, د.ۇسىپباەۆ سىبايلاس جەمقورلىق سياقتى تەرىس قۇبىلىسقا بۇكىل قوعام بولىپ جۇمىلىپ قارسى تۇرعان جاعدايدا عانا ناتيجەگە قول جەتكىزۋگە بولاتىندىعىن باسا ايتتى.
سپورتشى قاۋىم سىبايلاس جەمقورلىققا قارسى ارنايى دايىندالعان بەينەروليكتى كورگەن سوڭ, سپيكەرلەرگە كوكەيىندەگى ساۋالدارىن قويىپ, جەمقورلىققا قارسى ءىس-قيمىلدىڭ جاڭا مەحانيزمدەرى, مەملەكەتتىك قىزمەتشىلەردىڭ ادەپ نورمالارى, ت.ب. سالالار بويىنشا تولىق جاۋاپتارىن الدى.
شارا سوڭىندا اقتاۋ قالالىق دەنە شىنىقتىرۋ, سپورت جانە تۋريزم ءبولىمىنىڭ باسشىسى ق.جۇماباەۆ اگەنتتىكتىڭ اۋماقتىق دەپارتامەنتىمەن بىرلەسىپ قوعامدا سىبايلاس جەمقورلىققا قارسى مادەنيەتتى جانە مەملەكەتتىك قىزمەتتىڭ وڭ ءيميدجىن قالىپتاستىرۋ بويىنشا ءىس-شارالاردى ودان ءارى بەلسەندى تۇردە جالعاستىرىلاتىنىن جەتكىزدى.
ماڭعىستاۋ وبلىسى
