ايماقتار • 16 مامىر، 2019

سولتۇستىك قازاقستاندا زاۋرالە حالىقتارى اسسامبلەياسىنىڭ كۇنى ءوتتى

712 رەتكورسەتىلدى

قورعان وبلىسىنان كەلگەن دەلەگاتسيا جەرگىلىكتى جازۋشىلارمەن، ستۋدەنتتەرمەن، زيالى قاۋىم وكىلدەرىمەن كەزدەسىپ، بىرقاتار ۇجىمداردا بولدى.

مۇراجاي مەن كوللەدجدەردە كورمە ۇيىمداستىرىلىپ، رەسەيلىك ونەرپازداردىڭ تۋىندىلارى تاماشالاندى. قازاقستان حالقى اسسامبلەياسى مەن زاۋرالە حالىقتارى اسسامبلەياسى اراسىندا  ەكىجاقتى كەلىسىمدەرگە قول قويىلدى.

«قورعان وبلىسىنىڭ حالىق اسسامبلەياسى  وسىدان 19 جىل بۇرىن قۇرىلدى. سودان بەرى وڭىرارالىق بەيبىتشىلىك پەن ىنتىماقتاستىقتى نىعايتۋعا لايىقتى ۇلەسىن قوسىپ كەلەدى. سولتۇستىكقازاقستاندىق ارىپتەستەرىمىزبەن ىنتىماعىمىز جاراسىپ، مادەني، رۋحاني، تاعى باسقا سالالار بويىنشا  ءىس-تاجىريبەلەر الماسامىز، ۇيرەنەرىمىز كوپ. وسى جىلدى «دوستىق جىلى» رەتىندە جاريالاي وتىرىپ، بىرقاتار تانىمدىق ءىس-شارالار ۇيىمداستىرۋعا ۋاعدالاستىق.  9 ماۋسىمدا وتەتىن  پرەزيدەنت سايلاۋىنا ءبىزدىڭ وڭىردەن 20-دان استام ادام باقىلاۋشى قاتىسادى»، دەيدى زاۋرالە حالىقتارى اسسامبلەياسى كەڭەسىنىڭ توراعاسى ۆلاديمير ۋفيمتسەۆ.

قورعان قازاقتارىنىڭ ۇلتتىق-مادەني اۆتونومياسىنىڭ جەتەكشىسى قايرات ورالوۆتىڭ ايتۋىنشا، بۇل جولعى ساپار بارىسىندا  اقپاراتتىق-گۋمانيتارلىق اكتسيالار قوسا قامتىلىپتى. بۇگىندە وبلىستا 12 مىڭعا جۋىق  قازاق تۇرادى. قاي سالادا بولسىن  ولار تابىستى ەڭبەك ەتىپ ءجۇر. انا ءتىلىن بالالارمەن قاتار ەرەسەكتەر دە ۇيرەنەدى.

قورعاندىق قوناقتار  سولتۇستىكقازاقستاندىقتاردى 12 ماۋسىمدا وتەتىن رەسەيدىڭ مەملەكەتتىك مەرەكەسىنە شاقىردى. بۇل كۇنى زاۋرالە حالىق اسسامبلەياسى 17 ەتنوس وكىلدەرىنىڭ قاتىسۋىمەن اۋقىمدى مەرەكەلىك  شارالار ۇيىمداستىرىلدى.

سولتۇستىك قازاقستان وبلىسى


سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار