ايماقتار • 16 مامىر، 2019

بيىك ءارى تۇڭعيىق اسپان

839 رەتكورسەتىلدى
ۇشاق قونۋعا بەت الدى. ون مىڭ مەتر بيىكتىكتەن بىرتە-بىرتە تومەندەپ، الماتىعا جاقىنداعاندا قالانىڭ ءۇستىن قويۋ ءتۇتىن سەكىلدى قاراسۇر بۇلت تورلاپ تۇرعانىن كوردىك.
اپىر-اي، ءقازىر جەردەگى ادامدار جىلى كيىنىپ، قولشاتىرلارىن توبەسىنە كوتەرىپ، كۇزدىڭ سالقىن جاڭبىرىنان ءبۇرىسىپ، بۇيىعىپ بارا جاتىر-اۋ دەگەن وي كەلەدى باسىمىزعا. ؛
ال مۇندا، شىرقاۋ بيىكتە كۇن جارقىراپ تۇر. تۇپ-تۇنىق، تۇڭعيىق كەڭىستىككە تاڭعا­جايىپ ءبىر قۇدىرەتتىڭ كۇشىمەن ءىلىنىپ قالعان سياقتىمىز. قانداي قىزىق...

ازدان سوڭ انا-ا-اۋ جەردەگى ەكى اياقتى، جۇمىر باستى پەندەلەرگە قوسىلىپ، قولشاتىر كوتەرىپ، ۇيگە قاراي اسىعاتىنىمىزعا ءدال ءقازىر كوڭىلىمىز سەنگەنىمەن، كوزىمىز سەنە المايتىنداي...

يا، جەرگە تۇسكەندە بار عوي، قاراسۇر بۇلتتار­دىڭ ار جاعىندا كۇن جارقىراپ، اسپان مولدىرەپ تۇرعانىن، جاڭا عانا ءوزىمىز­دىڭ سول جاقتان، ءتۇ-ۋ سوناۋ بيىكتەن ۇشىپ كەلگەنىمىزدى ويلاپ، ەرىكسىز باسىمىزدى شاي­قاپ، تاڭعالاتىنىمىزدى دا اقىلمەن ەمەس، ىشكى ءبىر جۇمباق تۇيسىكپەن سەزەتىندەيمىز.

نەسىن ايتاسىز، كۇن كوزىن بۇركەگەن بۇلتتار كوڭىلگە كىربىڭ سالىپ-اق تۇر. ءيا، ايتپاقشى... كىربىڭ دەمەكشى، كەيدە ءبىزدىڭ جان دۇنيەمىزدىڭ اسپانىن دا مۇڭ تورلاپ، قايعى باساتىن كۇندەر بولادى ەمەس پە؟ سول كەزدە مىناۋ يلليۋميناتورعا تىرس-تىرس تامعان جاڭبىر تامشىلارى سەكىلدى ءموپ-مولدىر، تاپ-تازا كوز جاسىمىزدى توگىپ، شەر تارقاتىپ، جەڭىلدەپ العان سوڭ، كۇن جارقىراپ قايتا تۋعانداي بولماۋشى ما ەدى.

سوندا دەيمىن-اۋ، ءبىزدىڭ ىشكى الەمىمىزدەگى اسپاننىڭ دا سونشالىقتى بيىك ءارى تۇڭعيىق ەكەندىگىن سەزبەۋشى مە ەدىك؟!.

باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار