30 ءساۋىر, 2019

ازيا دامۋ بانكى مەن ForteBank بىرلەسىپ, كاسىپكەرلىكتى دامىتۋعا 31 ملرد. تەڭگە جۇمساماق

815 رەت
كورسەتىلدى
1 مين
وقۋ ءۇشىن

ForteBank ازيا دامۋ بانكىنەن قاراجات تارتۋ ارقىلى شاعىن جانە ورتا بيزنەس سۋبەكتىلەرىن قارجىلاندىرۋ باعدارلاماسىنىڭ قاتىسۋشىسى بولدى. بۇل باعدارلاما قازاقستان كاسىپورىندارىن ءتيىمدى شارتتارمەن بەلسەندى نەسيەلەندىرۋگە كومەكتەسەدى.

ازيا دامۋ بانكى مەن ForteBank بىرلەسىپ, كاسىپكەرلىكتى دامىتۋعا 31 ملرد. تەڭگە جۇمساماق

ازيا دامۋ بانكى ForteBank-كە 31,320 ملرد. تەڭگە كولەمىندە قارىز بەردى. بۇل قاراجاتتى قارجى ينستيتۋتى 2019 جىلدىڭ 2 قاراشاسىنا دەيىن يگەرىپ, كاسىپكەرلىكتى قولداۋ مەن دامىتۋعا باعىتتايدى. نەسيەنىڭ ماقساتى نەگىزگى قۇرالداردى ساتىپ الۋ جانە جاڭعىرتۋ, سونداي-اق اينالىم قاراجاتىن تولىقتىرۋ بولىپ تابىلادى.

"شاعىن جانە ورتا بيزنەستى قولداۋ مەن دامىتۋ – ForteBank ءۇشىن ماڭىزدى باعىتتاردىڭ ءبىرى. بۇگىندە ءبىز دامۋ, سونداي-اق ەۋروپا قايتا قۇرۋ جانە دامۋ بانكىمەن تابىستى ىنتىماقتاستىقتا جۇمىس ىستەيمىز جانە بۇل جۇمىستى ازيا دامۋ بانكىمەن قارجىلاندىرۋ بويىنشا جالعاستىراتىنىمىزعا قۋانىشتىمىز. بۇل قارجى ۇيىمدارى بىرنەشە ونجىلدىقتىڭ وزىندە كوپتەگەن بانكتەر ءۇشىن سەنىمدى ءارى بىلىكتى سەرىكتەس بولا وتىرىپ, ءوڭىر ەكونوميكاسىنىڭ وسۋىنە سەرپىن بەردى", – دەپ اتاپ ءوتتى ForteBank باسقارماسىنىڭ توراعاسى گۋرام اندرونيكاشۆيلي.

باعدارلاما بويىنشا قارىزدار جىلدىق 12,5 پايىزدان باستاپ سىياقى مولشەرلەمەسىمەن 1 ملرد. تەڭگەگە دەيىنگى سوماعا بەرىلەدى. مەرزىمى – 84 ايعا دەيىن, نەسيە جەلىسى ارالاس بولۋى مۇمكىن. ەگەر باعدارلاما بارىسىندا قارجىلاندىرۋ ازيا دامۋ بانكىنىڭ قاراجاتىنىڭ ەسەبىنەن جۇرسە, وندا ول اياقتالعاننان كەيىن تۇتىنۋشىلاردى ForteBank تىكەلەي قولدايتىن بولادى.

"بيزنەستىڭ جول كارتاسى-2020" باعدارلاماسى بويىنشا باسىم سەكتورلار شەڭبەرىندە سىياقى مولشەرلەمەسىن سۋبسيديالاۋ ماڭىزدى باسىمدىققا يە بولادى. ءبىرىنشى كەزەكتە بۇل وڭدەۋ ونەركاسىبى, مەتاللۋرگيا, ءوندىرىستىڭ ءارتۇرلى سالاسىنداعى جوبالارعا جاتادى.

سوڭعى جاڭالىقتار