تىعىرىقتان شىعۋ جولىن ومارتاشىلار قاۋىمداستىعى ۇسىنىپ وتىر. ونىڭ توراعاسى ولەگ گاۆريلوۆ بال بازاسى قۇرىلسا, ورتاق مۇددەلەر ءبىر ارناعا توعىسىپ, كۇش بىرىكتىرەر ەدىك دەگەن ءۋاجىن العا تارتادى. ەندى بال بازاسى ورىن تەپپەك. ول ءۇشىن 50 گەكتار القاپقا ارالاردىڭ «سۇيىكتى» وسىمدىكتەرىن ەگۋ جوسپارلانىپ وتىر. وڭتۇستىكتەن تەرىسكەيدىڭ اۋا رايىنا ءتوزىمدى اسىل تۇقىمدى ارالار جەتكىزىلىپ, وندىرىستىك شارۋاشىلىققا ارنالعان سۋ جاڭا ۇيالارعا جايعاستىرىلىپتى. ماماندار العاش رەت مۇنداي ۇيالاردى قولدانىسقا وتكەن جىلى ەنگىزىپ, كوڭىل قۋانتارلىق ناتيجەلەرگە جەتكەننەن كەيىن بيىل وسى جۇيەگە تولىق كوشپەك.
«بۇرىن ءبىز دادانوۆ ۇيالارىمەن جۇمىس ىستەگەن بولاتىنبىز. جانكەشتى مەحناتى كوپ. ۋاقىت جاعىنان ۇتىلاتىنبىز. اسىرەسە, ورىنداردى اۋىستىرۋ كەزىندە قاتتى قينالاتىنبىز. قازىرگى وندىرىستىك ۇيالار وتە قولايلى. ءبىر ۇيادان 100 كەلىگە دەيىن بار الۋ مۇمكىندىگى بار», دەيدى و. گاۆريلوۆ.
بۇگىندە ومارتاشىلار العاشقى بال بازاسىن ۇيىمداستىرۋعا بىلەك سىبانا كىرىسىپ كەتكەن. القاپتار ۇلعايتىلىپ, تۇيەجوڭىشقا, ەسپارتسەنت, تۇيمەجاپىراق سەكىلدى قۇنارلى كوپجىلدىق وسىمدىكتەر ەگىلەدى. بۇل ىسپەن «پاسەكا قىزىلجار» سەرىكتەستىگى اينالىسادى.
سولتۇستىك قازاقستان وبلىسى
