ازەربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى راشاد مامەدوۆ ءوز سوزىندە ۇلى كوشباسشى گەيدار اليەۆ پەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ قوس ەل اراسىنداعى دوستىق قارىم-قاتىناستارىن قالىپتاستىرا العانىن اتاپ ءوتتى. بۇگىندە ازەربايجان مەن قازاقستان تىعىز باۋىرلاستىق بايلانىستا. ديپلوماتتىڭ ايتۋىنشا, ۇلى كوشباسشى ازەربايجاننىڭ ەڭ ماڭىزدى جەتىستىكتەرىنىڭ ءسوزسىز اۆتورى بولعان. ستراتەگيالىق ساياسي باعىتتى تابىستى ىسكە اسىرۋدىڭ ينديكاتورى مەن ناتيجەسى رەتىندە ءبىزدىڭ ەلدەرىمىز اراسىنداعى سوڭعى جىلداردا ەشقانداي پروبلەما بولعان جوق.
حالىقارالىق تۇركى اكادەمياسىنىڭ پرەزيدەنتى دارحان قىدىرالى: «ۇلت كوشباسشىسى گەيدار اليەۆ تۇركى الەمىن بىرىكتىرۋگە كەرەمەت كۇش سالىپ, ءبىزدىڭ حالىقتارىمىزدى جاقىنداستىردى», - دەپ اتاپ ءوتتى. اكادەميانىڭ باسشىسى گەيدار اليەۆ تۇركىتىلدەس مەملەكەتتەردىڭ ينتەگراتسيالانۋىنا قىزمەت ەتەتىن ۇيىمداردى قۇرۋعا ايرىقشا ۇلەس قوسقانىن ايتتى. ونىڭ ايتۋىنشا, نۇرسۇلتان نازارباەۆتىڭ باستاماسى بويىنشا بيىلعى جىلى ءوزىنىڭ 10 جىلدىق مەرەيتويىن اتاپ وتەتىن تۇركى كەڭەسى مەن حالىقارالىق تۇركى اكادەمياسى گەيدار اليەۆ تۋعان ەجەلگى ناحچىۆان جەرىن بەكەر تاڭداۋى بەكەر ەمەس. بۇل ونىڭ ەڭبەگىن جوعارى باعالاۋ جانە سيمۆولدىق ماعىناعا يە.
لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ گەيدار اليەۆ اتىنداعى اۋديتورياسىنىڭ جەتەكشىسى شولپان جارقىنبەكوۆا جانە تانىمال تۇركىتانۋشى قىدىرالى قونقاباەۆ گەيدار اليەۆتىڭ ازەربايجان حالقىنىڭ جالپىعا ورتاق قۇندىلىقتارىن حالىقارالىق قاۋىمداستىق تاراپىنان تانۋداعى ازەربايجاننىڭ ۇلتتىق كوشباسشىسىنىڭ رولىنە نازار اۋدارىپ, ازەربايجان ءتىلىن قورعاۋ مەن دامىتۋعا قوسقان ۇلەسىن اتاپ ءوتتى.
ءىس-شارادا گەيدار اليەۆكە ارنالعان فيلم كورسەتىلدى. سونداي-اق ءازىربايجان ۇلتتىق كوشباسشىسىنىڭ قىزمەتىنە ارنالعان فوتوكورمەنى ۇيىمداستىرىلدى. سونىمەن قاتار فورتەپيانولىق كونتسەرت ۇسىنىلدى. وندا نۇر-سۇلتان قالاسى اكىمدىگىنە قاراستى مەملەكەتتىك اكادەميالىق فيلارمونياسىنىڭ سيمفونيالىق وركەسترىنىڭ باس ديريجەرى ەرنار نۇرتازين ونەر كورسەتتى.
