جاۋىنگەرشە كيىنگەن, باسىندا پيلوتكاسى بار, جانىنداعى ءيتتىڭ ارقاسىنا جاۋىنگەرلىك سومكەسىن ارتقان مەدبيكە جاۋىنا وجەتتەنە قاراپ تۇر. ءبىر قىزىعى, بۇل ەسكەرتكىشتى ەشقانداي قوعامدىق ۇيىم نەمەسە جەرگىلىكتى اتقارۋ ورگاندارى قويعان جوق, اۋىلشارۋاشىلىعىنداعى ءجاي كاسىپكەر بەك ءجۇسىپوۆ ءوزىنىڭ باستاماسىمەن ورناتتى.
«بۇل باستاما بەلگىلى ازامات ءجاندىلدا ماقانوۆ ەكەۋمىزدىڭ ويىمىز ەدى. بىراق وتكەن جىلى ءجاندىلدا مارقۇم بولىپ كەتتى, ەندى مەن وسى ويدى اياعىنا دەيىن جەتكىزۋدى ماقسات ەتتىم. سوعىستا مەدبيكەلەر ءومىر ءۇشىن اجالمەن ارپالىستى. تالاي سولداتتى امان الىپ قالدى. جەڭىستىڭ جاقىنداۋىنا مايداندا ەرلىك كورسەتكەن اپالارىمىز بەن اجەلەرىمىزدىڭ زور ۇلەسى بولدى. ولاردىڭ ەرلىگىنە تاعزىم بولسىن دەپ, وسى ەسكەرتكىشتى ورناتتىم» دەيدى بەك ءجۇسىپوۆ. ەسكەرتكىش پلاستيكتەن, اقتوبە قالاسىندا جاسالىپتى. كاسىپكەر ونىڭ بۇكىل شىعىنىن دا ءوزى كوتەردى. ەسكەرتكىشتىڭ تۇعىرىنا «جەڭىس ءۇشىن مەدبيكەلەرگە راحمەت!!! جۇسىپوۆتەر-ماقانوۆتار وتباسىلارىنان جانە بارلىق حالىق اتىنىن» دەپ جازىلعان.
جەڭىس مەرەكەسى كۇنى ەسكەرتكىشكە گۇل شوقتارىن قويعان قوستانايلىقتار دا كوپ بولدى.
