وتان قورعاۋشىلار كۇنى مەرەكەسى التاي اۋدانىندا ەرەكشە اتالىپ ءوتتى. «جاس ساربازدار» جاساعى الاڭدا ساپ تۇزەپ, شەرۋگە شىقتى.
«بارشالارىڭىزدى مەملەكەتتىك مەرەكە - وتان قورعاۋشىلار كۇنىمەن شىن جۇرەكتەن قۇتتىقتايمىن. بۇل كۇن - ەرلىك پەن وتانسۇيگىشتىكتىڭ, باتىرلىق پەن باتىلدىقتىڭ كۇنى. ءبىزدىڭ ەلىمىزدىڭ قارۋلى كۇشتەرى قاتارىندا بورىشىن وتەۋ ءاربىر قازاقستاندىقتىڭ قاستەرلى پارىزىنا اينالدى. پاتريوتيزم, ەرلىك پەن وتاندى ءسۇيۋ ءبىزدىڭ قوعامنىڭ باستى قۇندىلىقتارى بولىپ قالا بەرەدى. كۇشتىك قۇرىلىمدار - ۇلتتىق قاۋىپسىزدىك كوميتەتى, ىشكى ىستەر ورگاندارىنىڭ قىزمەتكەرلەرى, اسكەري كوميسساريات, پروكۋراتۋرا, سوت, توتەنشە جاعداي سالاسىنىڭ وكىلدەرى قالاداعى ءىس-شارالارعا بەلسەندى قاتىسادى. سىزدەر ءبىزدىڭ قورعانىمىز, تىرەگىمىزسىزدەر. قۇرمەتتى جاس ساربازدار, بۇگىن سىزدەر شەرۋگە قاتىسا وتىرىپ مايدانگەرلەرگە, تىل ارداگەرلەرىنە, ۇلى وتان سوعىسىنىڭ قاتىسۋشىلارى قۇرمەت كورسەتىڭىزدەر. ءبىز سىزدەرگە ۇلكەن سەنىم ارتامىز. مەرەكە قۇتتى بولسىن», - دەدى ءوزىنىڭ قۇتتىقتاۋ سوزىندە التاي اۋدانىنىڭ اكىمى نۇرجان توقسەيىتوۆ.
شىعىس قازاقستان وبلىسى,
التاي اۋدانى
