كۇنگەي ولكە زيالىلارىنىڭ باسى قوسىلعان جيىندا باس باسىلىمنىڭ وڭىردەگى ءتىلشىسى, بەلگىلى قالامگەر عالىمجان قامىتبەك ۇلى ۇزاق جىلدار اتالعان گازەتتىڭ وڭتۇستىك وڭىردەگى ءوز ءتىلشىسى بولىپ, ۇلت باسپاسوزىنە ولشەۋسىز ۇلەس قوسقان ورازحان جارقىنبەك پەن تورەxان رامبەردىنىڭ وتباسى مۇشەلەرىنە سىي-قۇرمەت كورسەتتى.
«بيىل باستاۋىن 1919 جىلى ورىنبوردا جارىق كورگەن «ۇشقىن» گازەتىنەن العان «Egemen Qazaqstan»-نىڭ 100 جىلدىق مەرەيتويى. باسىلىمنىڭ باسقارما توراعاسى دارحان قىدىرالى وبلىس-قالالاردا گازەتتىڭ دامۋىنا ەڭبەگى سىڭگەن ارداگەرلەرىمىزگە قۇرمەت كورسەتۋدى تاپسىرعان ەدى. وسىعان وراي ءومىرىن باسپاسوزبەن بايلانىستىرعان ورازحان جارقىنبەك پەن تورەxان رامبەردى اعالاردىڭ وتباسىلارىن وسىندا شاقىرىپ سىي-قۇرمەت كورسەتىپ وتىرمىز. اسىل اعالارىمىز كوزى ءتىرى بولعاندا عاسىرلىق مەرەيتويدىڭ قۋانىشىنا كۋا بولىپ, يىقتارىنا قۇرمەتتىڭ بەلگىسى رەتىندە شاپان جابىلار ەدى. ەندى سول قۇرمەتتى جۇبايلارى مەن ۇرپاقتارىنا تابىستاپ وتىرمىز», دەدى عالىمجان ەلشىباي.
ءوز كەزەگىندە قارىمدى قالامگەر ورازحان جارقىنبەكتىڭ جارى كۇلان اپايىمىز كوزىنە جاس الىپ, گازەت باسشىلىعى مەن ۇجىمىنا العىس ايتتى.
ايتا كەتەرلىگى, «Egemen Qazaqstan» گازەتىنىڭ 100 جىلدىق مەرەكەسى ەلىمىزدىڭ ءار وڭىرىندە ءتۇرلى فورماتتا وسى جىلدىڭ سوڭىنا دەيىن اتاپ وتىلەدى.
