07 مامىر، 2019

قويگەلدى باتىر ءتۋرنيرى مارەسىنە جەتتى

1086 رەت كورسەتىلدى

بيىل بەسىنشى مارتە وتكىزىلىپ وتىرعان بۇل تۋرنير بيىل قوماقتى قارجىلاي قولداۋىمەن ەرەكشەلەندى.



كوكپەكتى اۋدانىندا كەڭەس وداعىنىڭ باتىرى قويگەلدى اۋحاديەۆتىڭ ەسكە الۋعا ارنالعان فۋتزال ءتۋرنيرى مارەسىنە جەتتى. بيىل بەسىنشى مارتە وتكىزىلىپ وتىرعان بۇل تۋرنير بيىل قوماقتى قارجىلاي قولداۋىمەن ەرەكشەلەندى. 

«باتىر ۇرپاقتارى 7 ايعا سوزىلعان ءتۋرنيردىڭ قوماقتى جۇلدە قورىن قامتاماسىز ەتتى. قاراشا ايىندا وتكەن جارىستىڭ اشىلۋ سالتاناتىندا اۋدان اكىمى اسحات سمايلوۆ ءوز اتىنان ارنايى قارجىلاي جۇلدە دە تاعايىنداعان ەدى. تۋرنير جەڭىمپازدارىن ماراپاتتاۋ سالتاناتىندا ءسوز العان باتىر ۇرپاعى ەرلان قويگەلدين بۇل مەموريالدىڭ سپورتتىق رۋحتى كوتەرىپ، جىگەردى تاسىتقاننان باسقا، جۇرتتى سالاۋاتتى تۇرمىس سالتىنا باۋلۋ ءتارىزدى ناسيحاتتىق باعىتى دا بار ەكەنىنە نازار اۋداردى. جاستاردىڭ تارتىستى ويىنىن تاماشالاۋعا اۋدان اكىمىنىڭ ورىنباسارلارى مارات تەمىرجانوۆ پەن داۋرەن قويگەلدين، ىشكى ساياسات ءبولىمىنىڭ باسشىسى بەك نۇعىباەۆ، سپورت ءبولىمىنىڭ باسشىسى ەرجان كارىباەۆ، جاستار ورتالىعىنىڭ ديرەكتورى ازامات حالىق، ءماسليحات دەپۋتاتتارى مەن فۋتبول جانكۇيەرلەرى جينالدى.

كوكپەكتى ورتا مەكتەبىنىڭ سپورت زالىندا وتكەن جارىستىڭ قورىتىندىسى بويىنشا الاڭ يەلەرى جەڭىمپاز اتاندى. شىڭعىس شالباەۆ، رۋسلان ءجۇنىسوۆ، ەرزات باياحمەتوۆ باستاعان كوكپەكتى ورتا مەكتەبىنىڭ قۇراماسى - قويگەلدى اۋحاديەۆتى ەسكە الۋعا ارنالعان فۋتزال ءتۋرنيرىنىڭ چەمپيوندارى. اۋدان قۇراماسىنىڭ بەلدى ويىنشىلارىنان قۇرالعان «نەيترال» كومانداسى 2 ورىنعا جايعاستى. ايتا كەتەرلىگى، بۇل جىگىتتەر بىلتىر جارىستىڭ باس جۇلدەسىن ولجالاعان ەدى. جۇلدەلى ءۇشىنشى ورىندى اۋداندىق «جۇلدىز – نوۆايا جيزن» گازەتىنىڭ قۇراماسى قانجىعالارىنا بايلادى. جەڭىمپازدار مەن جۇلدەگەرلەر كۋبوك جانە مەدالدارمەن، قارجالاي سىيىلىقتارمەن ماراپتتالدى. سونىمەن بىرگە، تۋرنيرگە قاتىسقان باسقا دا قۇرامالاردىڭ بارلىعى ماراپاتتاۋ قاعازى جانە قارجىلاي سىيلىققا يە بولدى»، - دەيدى جۇلدىز – نوۆايا جيزن» گازەتىنىڭ ديرەكتورى دارحان بەردىبەك.

شىعىس قازاقستان وبلىسى،

كوكپەكتى اۋدانى

سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار